Nioqqutissiornikkut ineriartortitsinissamut tapiissutit

Nioqqutissiornikkut ineriartortitsinissamut tapiissuteqartanerup siunertaaraa, illit suliffiutivit suliniutaasa aallartisarnissaannut tapiissuteqarnissaq.

Nioqqutissiornikkut ineriartortitsinissamut tapiissutinit annerpaamik aningaasartuutit uppernarsarneqarsimasut 50 %-ii tapiissutitut tunniunneqarsinnaapput, suliniummullu ataatsimut annerpaamik 300.000 kronet tapiissutigineqartarput.

Nioqqutissiornikkut ineriartortitsinissamut tapiissutit sakkussannut maskinanulluunniit pisinissannut, nioqqutissiat ineriartortinnissaannut iliuusissannut aningaasalersuinissanni atorsinnaavatit, taamaalillutit suliffeqarfiutivit suliniutaasa aallartisarnissaasa ineriartortitsinissavilluunniit naammassinissaa qulakkeerniassagakku.

Tapiissutit kittaartumik tigusarnissaat qinnutigisinnaavat, taamaalillutit arlaleriarlutit aningaasatigut tapiiffigineqarsinnaallutit.

Qinnuteqarnivit siunertaa uku assersuutit arlarisinnaavaat:

suliffeqarfiup ilusissaanik ineriartortitsineq (niuerfissanik misissueqqissaarnissaq, nioqqutissiarisamik misiliutissatut sananissaq misilittaassutissamik)
suliffeqarfimmik aallarnisaaneq (maskinasiortornissaq, atortussarsiniarnissaq allarpassuillu)
nittarsaassinissaq

Malugiuk: Tapiiffigineqarnissat aatsaat aningaasaliiffigineqarpat suliniutit aallartissinnaagakkit.

Qeqqata Kommunia:Qeqqata Kommuuniani najugaqarsimaguit nioqqutissiornikkut ineriartortitsinermullu tapiissutinik piniarlutit, taava Arctic Circle Business kiffartuunnissannut piareersimavoq. Tapiissutit Arctic Circle Business-miit suliarineqassapput, tapiissutillu pillugit apeqqutissaqaruit attavigissavatit.

Nioqqutissiornikkut ineriartortitsinissamut tapiissutinik qinnuteqarsinnaanngilatit iliuuserisassatit iliuuserereersimagukkit imaluunniit aningaasartuutit akilerneqareersut matussuserniarukkit.

Qinnuteqarnissamut killigititat

29 marts.
26 april.
31 maj.
26 juli.
30. juni
30 august.
27 sept.
1 nov.
29 nov.

Qinnuteqarnissamut piumasaqaatit

Brancheqarnikkut piumasaqaatit

Nunami inuussutissarsiornerup iluani branchet tamarmik nioqqutissiornikkut ineriartortitsinissamut tapiissutinik tapiiffigineqarsinnaapput.

Ukulu branchet iluanniikkuit, nioqqutissiornikkut ineriartortitsinissamut tapiissutinut qinnuteqarnissannut periarfissaqarputit:

kiffartuussineq
takornarialerineq
suliffissuaqarneq
niunerneqhandel
unnuisarfiit
qarasaasialerineq
misigisassarsiortitsinerit il.il.

Piumasaqaatit allat

Siunertaq allanit tapiiffigineqareersimassanngilaq, soorlu pisortanit tapiissutit ilinniartitaanermut, aalisarnermut, nunalerinermut kultureqarnikkulluunniit tapiissutit aqqutigalugit.
Qinnuteqartoq cvr normoqareersuussaaq tapiissutinik pissarsisinnaassaguni.
Inuk suliffeqarfilluunniit Kalaallit Nunaanni najugaqartutut nalunaarsorsimassaaq tamakkiisumillu Kalaallit Nunaannut akileraartussaatitaassalluni
Suliffeqarfik nammineq pigineqartuussaaq. Nammineq pigineqartutut taaneqaruni tassa imaappoq, kommunemit Namminersorlutilluunniit Oqartussanit 49 % sinnerlugu pigineqartuussanngilaq.

Qinnuteqarnermut uppernarsaatit

1. Suliffeqarfiup pilersaarutaa

Suliffeqarfiup pilersaarutaa sanassavat, tassanilu suliffeqarfissatut isumassarsiaq suliffeqarfissannilu siunissamut pilersaarutitit nassuiassavatit.

Pilersaarusiaq

Fiili aaguk

Business Model Canvas

Fiili aaguk (Assersuut)

Value Proposition

Fiili aaguk

2. Aallarnisarnissamut missingersuut

Aallarnisarnissamut missingersuummik sanasoqassaaq, suliffeqarfissatut isumassarsiavit aallartinnissaanut aningaasalersorneqarnissannut pisariaqartitat tamakkiisoq ersarissarluarumallugu

Pilersitsinissamut missingersuut

Fiili aaguk

3. Ingerlatsinermut missingersuut

Ingerlatsinermut missingersuut, isumassarsiavit sinneqartoorutaasinnaanissaanik takutitsisoq.

Ingerlatsinermut missingersuut

Fiili aaguk

4. Aningaaserivimmit tapiiffigineqarnissamik aningaasaliisoqarnissaa imaluunniit nammineerluni aningaasalersuinissaq

Aningaaserivimmit tapiiffigineqarnissap aningaasaliiffigineqarnissaa allatulluunniit nammineq aningaasalersuinissaq, aningaasaliissutit pisariaqartitavit 50 %-iata aningaasalersorneqarnissaanut uppernarsaat.

Tiguinnarissanik aningaasaqarnissamut missingersuutit

Fiili aaguk

5. Pisiortorfinnit neqeroorut

Pisiortorfiit neqerooruteqarnerannut uppernarsaat. Neqeroorutit ajornanngippat Kalaallit Nunaanneersunit pisiortorfinneersuussapput.
Tilbud skal så vidt muligt indhentes fra leverandør i Grønland.

Nioqqutissiornikkut ineriartortitsinissamut tapiissutinut qinnuteqarnermi uppernarsaatit piumasaqaataasut pillugit itinerusumik nassuiaanneqarnissat pisariaqartilissagukku, inuussutissarsiornermut siunnersortip kommiunerisanniittup imaluunniit Nalik Ventures-imeersup attaviginissaanut tikilluaqquatsigit

Qinnuteqaatit nassiuguk

Nalik Ventures-ip qinnuteqartarfiatigut qinnuteqaatit uppernarsaatitassai ilanngullugit nassiutissavat. Qinnuteqaatinut nassiussisarfik ilinnut atortussiaavoq, qinnuteqaatit ilanngullugu uppernarsaatit suut nassiussimanerlugit tamakkiisumik takunnissinnaalersitsisoq, qinnuteqarnerpillu naammassineqarnissaminut suliarineqarnera sumut killinnersoq malinnaaviginnissinnaalersitsisoq, kiisalu tapiiffigineqarnissamik qinnuteqaatit aningaasaliiffigineqarsimappat aamma tassuuna tapiissutinik tunniunneqarsimasunik annikitsumilluunniit taarsigassarsiannik atuinerit malinnaaffigisinnaavat.

Qinnuteqarnerit tamaasa sullissisumik oqaloqateqartassaatit, taamaalilluni ilinnut suliffeqarfinnullu naleqquttumik kiffartuunneqartarniassagavit.

Profililorit
Qinnuteqaativit nassiutinnginnerani qinnuteqartarfimmi atugassannik profililiussaatit, taamaalilluni sullissisoq illillu qinnuteqarnerit pillugu oqaloqatigiinnissarsi aallartinniassammat.

Qinnuteqartarfimmut isertaatit atorlugit iserit
Qinnuteqartarfimmi atugassannik profililioreersimaguit, qinnuteqartarfik aqqutigalugu qinnuteqaasiornissannut immersuiffissamik qinussaatit, taamaalillutit oqaloqatiginninnissat aallartissagakku.

Ansøg” toorukku qupperneq nutaaq ammassaaq, taannalu tassaavoq Nalik Ventures-imut Nioqqutissiornikkut ineriartortitsinissamut tapiiffigineqarnissamut annikitsunillu taarsigassarsiniarnissamut qinnuteqartarfik.

Qinnuteqarit

Qinnuteqaatit suliarineqartarnerat

Qinnuteqaatit tiguneqarpat, naatsorsuutigissavat suliarineqarnera qaammammik ataatsimik sivisussuseqarsinnaasoq.

Nalik Ventures aningaasaliissutit pillugit ataatsimiitsitaliaqarpoq, qinnuteqaatinut nassiunneqartunut aalajangersaasuullunilu nalilersuisartumik. Allaffissuussinikkut ilitsersuut tunuliaqutaralugu piumasaqaatillu tassaniittut malinneqarnersut aallaavigalugit aalajangiisoqartarpoq.

Tapiissutinik tunniussisoqassatillugu suliffeqarfiit unammillertigineqartut eqqarsaatigineqartarput. Suliniutinut unammilleqatigiinnermut equtitsisunut Nalik Ventures tapiissuteqartanngilaq. Tassa imaappoq illoqarfinni annerusuni qinnuteqaatit pitsaassusaasa annertunerunissaat piumasaqaataakujuttarput, suliniummi nutaaliornissamut piumasaqaatit annerullutik, niuerfiullu angissusaanik annertusaanissamut periarfissaqassalluni.

Tapiissutit tunniunneqartarnerat

Tapiissutit tunniunneqassappata naatsorsuusiussaatit nalunaarusiorlutillu.

Tamannalu Nioqqutissiornikkut ineriartortitsinissamut tapiissutinik qinnuteqaasiorfigisakkut Nalik Ventures-ip qinnuteqartarfiatigut ingerlanneqassaaq.

Qinnuteqartarfikkut naatsorsuusiorniarlutit akiliinermut uppernarsaatitit soorlu kontup nikerarneranut takussutissaq imaluunniit kortimik akiliinermut uppernarsaatitit uploadissavatit, tassani aamma mobiilinniit assileriarlugit uploadernissai periarfissaavoq.

Taamaalioreeruillu Nalik Ventures-ip aningaasartuutaasimasut 50 %-ii tunniussinnaalissavai.

*Malugiuk, tapiissutigineqartussat tallimanngornerup tulliani tunniunneqakkajuttarmata*