Nioqqutissiornikkut ineriartortitsinissamut tapiissutit aningaasatigut taperneqarnikkut suliffeqarfiutinni suliniutit aallartisarnissaanut periarfissaqalernissat siunertaraa.
Nioqqutissiornikkut ineriartortitsinissamut tapiissutit aningaasartuutit uppernarsaatitallit annerpaamik 50%-iisa, aammalu annerpaamik 300.00kr. suliniummut ataatsimut aningaasartuutigineqarsimasut tunniunneqarsinnaapput.
Nioqqutissiornikkut ineriartortitsinissamut tapiissutit atortutigut, maskiinatigut, aammalu suliffeqarfiutinni suliniutivit pilersinnissaanut ineriartortinnissaanulluunniit atorneqarsinnaapput.
Qinnuteqarnerit immikkoortillugit agguataarsinnaavatit, taamaasillutit aningaasatigut tapiissuteqarfigineqarnerit arlaleriartumik pissarsiffigisinnaallugu.
Qinnuteqaativit siunertai ilaatigut assersuutitut ukuusinnaapput:
- Nioqqutissaatimik ineraiartortitsineq (Niuerfimmi misissuineq, nioqqutissap misilittarneranut)
- Suliffeqarfiup pilersinneranut (maskiinat, atortut il. il.)
- Nittarsaassineq
Malugiuk: Tapiissuteqarfigineqarnissannut uppernarsaavigitikkuit aatsaat suliniutit aallartissinnaavat.
Qeqqata Kommuunia: Qeqqata Kommuuniani najugaqarsimaguit nioqqutissiornikkut ineriartortitsinermullu tapiissutinik piniarlutit, taava Arctic Circle Business kiffartuunnissannut piareersimavoq. Tapiissutit Arctic Circle Business-miit suliarineqassapput, tapiissutillu pillugit apeqqutissaqaruit attavigissavatit.
Suliatit naammassereerukkit, imaluunniit aningaasartuutit akilereernikuusimappata, nioqqutissiornikkut ineriartortitsinissamut tapiissutinik pissarsisinnaanngilatit.
Qinnuteqarnissamut killigititat
- 29 marts.
- 26 april.
- 31 maj.
- 26 juli.
- 30. juni
- 30 august.
- 27 sept.
- 1 nov.
- 29 nov.