Nalik Ventures ingerlatseqatigiiffiullu suleqatigisai pasinapiluttunik nalunaaruteqartarnermik aaqqissuussamut ataatsimoortumut ilaapput, ingerlatseqatigiiffiit naleqartitaat malittarisaallu ingerlatseqatigiiffittut ilisarnaatigisaat pasinapiluttunik nalunaaruteqartarnermut aaqqiissuussamut tapersersuisuullutik.
Whistleblower
Pasinapiluttunik nalunaaruteqartutut nalunaarusiat, ataani ingerlatseqatigiiffinnut taaneqartunut Nalik Venturesimut ingerlatseqatigiiffiillu suleqataasa sulisuinut, aqutsisuinut siulersuisuinilu ilaasortaanut tunngatinneqassaaq.
Tamanna isumaqarpoq allanut tunngasunik pasinapiluttunik nalunaaruteqarsinnaanngitsutit.
Pasinapiluttunik nalunaaruteqartarnermik aaqqissuussinermi suliffeqarfiup avataaneersunit Nuna Advokater-iniit paasissutissat nalunaarutit suliarineqartarput, taamaalillutit isumannaatsumik kinaassutsimillu isertuussiviusumik nalunaarusiornissat periarfissaavoq.
Kinaluunniit whistleblower-itut nalunaaruteqarsinnaavoq
Nalunaarusiornissamut periarfissaqarputit:
- Nalik Venturesimi ingerlatseqatigiiffiullu suleqatigisaani atorfiliuguit, aqutsisuuguit siulersuisuniluunniit ilaasortaaguit.
- Aningaasalersuiffigineqarnikuusimaguit arlaatigulluunniit ingerlatseqatigiiffinni pingasuni taakkunani sullinneqarsimaguit
- Qulaani ingerlatseqatigiiffinni taaneqartuni suleqatigineqartaruit
- Avataaneersuullutit nalunaarusiortarnikkut pissutsinut ilisimasaqarsoriguit ilisimasaqaruilluunniit
Nalunarutiginninnermut pissutissaq
Pasinapiluttunik nalunaaruteqartutut kinaassutsinnik isertuussiffiusumik nalunaarusiorsinnaavutit, unioqqutitsinerit kukkuluttornerilluunniit ilungersunartut ukununnga tunngappata tamarmilluunniit pineqarpata:
- Aningaasaqarnikkut ilungersunartumik pinerluttuliortoqartillugu, pinerluttoqartillugu, matumani akiliilluni peqquserluttuliortitsisoqartillugu, peqquserluttoqartillugu, peqquserlulluni allagaasiortoqartillugu assigisaanilluunniit.
- Kukkunersiuisoqarnikkut suliffeqarfiillu iluani kukkunersiuinikkut pissusissaanngitsumik iliuuseqartoqartillugu
- Avatangiisinut mingutsitsisoqartillugu.
- Sulisoqarnikkut isumannaallisaanermi malittarisassanik ilungersunartumik unioqqutitsisoqartillugu
- Sulisoq pillugu ilungersunartumik pissutsit atuuppata, matumani tarnikkut timikkullu persuttaasoqartillugu kiisalu kinguaassiutitigut atornerluisoqartillugu
Assersuutit
- Avatangiisinut, inuit ataasiakkaat inuunerannut peqqissusaannulluunniit iliuutsit imaluunniitiliuuserineqaratarsinnaasut aalajangiisuulluinnartumik sunniuteqartut unioqqutitsinerit, kukkuluttornerit ilungersunartut.
Whistlebloweritut nalunaaruteqarit
Når du indgiver en rapportering, opfordres du til at oplyse følgende:
Nalunaarusiorniaruit uku paasissutissiissutiginissaannut kajumissaarneqarputit:
Nalunaarusiorit
- Kinaassutsit, atorfiit attaveqarfigineqarnissamullu paasissutissat
- Nalunaaruteqarninnut pisut tunngaviusut allaaserineqarnerat
- Naleqquttuuppat uku kinaassusaat, taaguutaat attaveqarfigineqarnissamullu paasissutissaataat:
- Kinaluunniit pisumut akisussaasoq, nalunaarusiornermi tunngaviliisoq
- Kinaluunniit nalunaarusiornermut tunngaviusumut pisumi ilisimannittoq
- Naleqquttuuppat, sunaluunniit allagaat imaluunniit sunaluunniit uppernarsaat, nalunaarusiornerup misissorneqarnissaani atorneqarsinnaasoq
- Sunaluunniit paasissutissaq naleqquttoq
Nalunaarusiat tiguneqarpat, misissuisussap Nuna Advokater-ip tigusimallugu uppernarsaammik nassissavaatit.
Whistlebloweri pillugu attaveqarfissaq
Nalik Venturesimi ingerlatseqatigiiffinniluunniit suleqatigisani pasinapiluttumik nalunaaruteqartarnermi aaqqissuussaq atorneqartoq pillugu apeqqutissaqaruit ilisimasaqanerulerusukkuilluunniit, taava Nuna Advokater attavigisinnaavat uunga
Nalunaarutiginninnissamut pissutaanngitsut
Allattuiffiup ataaniittup pissutsit nalunaarusiornermi atorneqarsinnaanngitsutut taakkartukkat takutippai, taamaattumik takutinneqartut pasinapiluttumik nalunaaruteqarnissamut nalunaarusiornermi patsisissatut naammanngillat:
- Pimmatiginninneq
- Suleqatiginninniapiloornerit
- Suliamut piginnaanikinneq
- Sulinngikulavallaarneq
- Suliassanik suliarinninneq
- Suliffimmi atisalersoriutsimik unioqqutitsineq
Periarfissat allat
Avataaneersunut
Avataaneersutut ingerlatsivinnullu attuumassuteqanngitsutut, sullitatut suleqatigineqartutulluunniit qulaani taaneqartunut assigusumik misigisaqaruit, pisortaagallartumut Peter Christensenimut maalaarummik ilisimatitsissummilluunniit nassiussinissannut periarfissaqarputit. Uani nittartakkami attaveqarnissamut paasissutissat ”Suleqatigiit” ataanni nanisinnaavatit.
Suliffeqarfimmeersunut
Nalik Venturesimut ingerlatseqatigiiffinniluunniit suleqataasunut sulisutut siulersuisuniluunniit ilaasortatut sullissisuuguit, qaninnertut qullersannut saaffiginnissinnaavutit.
