Qinnuteqarfissaq, qinnuteqaasiornissamut ilitsersuut aamma piumasaqaatit
1. Qinnuteqarfissamut nassuiaat
Nalik Ventures maanna Kalaallit Nunaanni suliffeqarfiit Vestnorden 2026-mi peqataasussanut unnuinissamut aningaasanik agguagassanut qinnuteqarfissaliorpoq.
Aningaasat agguagassat pilersinneqarput Kalaallit Nunaanni peqataasussat amerlinissaat anguniarlugu – pingaartumik sineriammiit – qulakkeerniarlugu nunami sumiiffik akimmiffiginagu nunat tamalaat akornanni takornariaqarnikkut qitiusumik pisoqarnissaani peqataasoqarsinnaanissaa.
Aningaasat agguassat katillugit 300.000 koruunit tungaannut sinaakkuteqarput, taakkulu Nalik Venturesimit pingaarnertut Vestnorden 2026-mut aningaasaliissutaallutik.
Aningaasat agguagassat takornarialerillutik suliffeqarfinnit namminersortunit Nuup avataani aalajangersimasumik nalugalinnit Vestnorden 2026-milu peqataasussatut nalunaarsimasunit qinnutigineqarsinnaapput.
Vestnorden 2026-mi peqataanissamut atatillugu unnuiffissanut aningaasartuutigisariaqakkanut matussusiinissamut aningaasat atorneqassapput. Unnuinerit Kalaallit Nunaanni unnuisarfiutilinnut imaluunniit Nuummi imaluunniit Nuup avataani pisinnaapput, taamaallaat unnuinerit toqqaannartumik attuumassuteqassapput.
Aningaasat agguagassat siulliuniuffigineqassapput, qinnuteqaatillu ingerlaavartumik suliarineqartassapput aningaasat agguagassat nungunnissaasa tungaannut.
2. Qinnuteqarnissamut ilitsersuut
Kikkut qinnuteqarsinnaappat?
Aningaasat agguagassat takornarialerinermi suliffeqarfiit namminersortunit Nuup avataani najugalinnit aammalu Vestnorden 2026-mi peqataasussatut nalunaarsimasunut qinnutigineqarsinnaapput.
Suut qinnutigineqarsinnaappat?
Vestnorden 2026-mut peqataanissamut atatillugu unnuiffigisariaqakkanut taperneqarnissamut qinnuteqartoqarsinnaavoq. Peqataasunut immikkut annerpaamik 10.000 koruuninik agguaasoqarsinnaavoq.
Akileeriaaseq
Tapiissutit peqataareernermi takussutissaqartitsinikkut utertitsissutitut tunniunneqassapput. Unnuisimanernut aningaasartuutigisimasanullu takussutissanik nassiussisoqassaaq.
Ima qinnuteqassaatit
Qinnuteqaatip minnerpaamik imarissavaa:
• Suliffeqarfimmut paasissutissat (CVR, najugaq)
• Vestnorden 2026-mi peqataasussatut uppernarsaat
• Unnuinissamut pisariaqartitassatut naatsorsuutigisanut paasissutissat (unnuit qassit piffissarlu)
• Unnuiffissamut paasissutissaq
Qinnuteqarfissaq allassimasoq qinnuteqarfittut nassiussivigineqassaaq.
3. Taperneqarnissamut piumasaqaatit
Qinnuteqaatit nalilersorneqarnerini piumasaqaatit tulliuttut isiginiarneqartarput:
- Vestnorden 2026-mi peqataasussatut nalunaasorsimanermut uppernarsaat
- Takornariaqarnermut inatsit naapertorlugu piumasaqaatinut aaqqiissutinut piumasaqaatit assigalugit suliffeqarfik naapertuissaaq
- Qinnuteqartoq Kalaallit Nunaanni takornariaqarnermut suliffeqarfiussaaq CVR-normoqarluni nalunaarsorsimasuussaaq.
- Suliffeqarfik najukkami pigineqassaaq Kalaallillu Nunaanni Nuup avataaniittuussalluni
- Siunertarineqartut tassaapput angallassisartut, inniminniisarfiit, angalatitsiviit kiisalu unnuisarfiit
- Tapiineq suliffeqarfikkaarlugit tunniunneqartassapput, peqataasut ataasiakkaarnagit.
4. Naliliinermut periuseq
Nalik Ventures ataatsimiititaliamik pilersitsissaaq qinnuteqaatillu tamaasa ingerlaavartumik misissortassallugit.
Qinnuteqaatit katillugit aningaasanit agguagassanit immikkoortinneqarsimasunit sipporpagit, qinnuteqartuni taperneqartussanut tunngatillugu ataatsimiititaliaq naliliillunilu pingaarnersiuissaaq.
Aningaasat agguagassat amerlassusaat aallaavigalugit annertunerusunik qinnuteqartoqartillugu Nalik Ventures qinnuteqartuni pingaarnersiuisinnaatitaavoq.
Ataatsimiititaliap aalajangiinera inaarutaasumik aalajangiineruvoq oqartussanullu allanut ingerlateqqinneqarsinnaanani.
Qinnuteqarfissaq uunga nassiunneqassaaq nalik@nalik.glingerlaavartumillu suliarineqartassallutik, aningaasat agguagassat 300.000 koruuniusut nungunnissaasa tungaannut siulliuniarfigineqassapput.
Qinnuteqarnissamut killigititaq: 15. 2026 aggusti, nal. 12.00
