Skip to main content

Siunnersorneqarneq

Nalik Ventures-imi siunnersorneqarneq pisussaaffiliinertaqanngitsumik allanullu oqaatigeqqusaanngitsumik illit siunnersortillu akunnissinni oqaloqatigiinneruvoq.

Aallarnisaasutut suliffeqarfimmillu piginnittutut oqaloqatigiinnermi suut eqqartorneqassanersut illit aalajangissavat, taamaattumik illit suliffeqarfivit pisariaqartitai aallaavigalugit siunnersorneqassaatit.

Qanimut oqaloqatigiinneq

Nalunaaqutaliillutillu ulluliinissat periarfissaraat ajornanngippallu Nuummiikkuit allaffimmut ornigussinnaallutit, internetsi aqqutigalugu ataatsimeeqateqarsinnaallutit imaluunniit oqarasuaatikkut ataatsimeeqateqarlutit, taamaalillutit suliffeqarfissatut isumassarsiat oqaloqatigisallu kisissi piffissaqarfigilluarlugu eqqartorsinnaaniassagassiuk.

Siunnersueriaatsit

Oqaloqatigiinneq

Suliffeqarfissatut isumassarsiavit piviusunngortinniarnissaa ineriartortinnissaalu pillugu oqaloqatigiinneq tassaavoq, illit siunnersortilu akunnissinni naligiissumik oqaloqatigiinneq. Oqaloqatigiinnerullu nalaani imaassinnaavoq suliffeqarfissatut isumassarsiavit qanoq iliuuseqarfiginissaanut illit siunnersortilu akunnissinni siunnersuutissarsisusi.

Isummersoqateqarneq

Aallarnisaasutut suliffeqarfimmillu piginnittutut ilaatigooriarluni suliffeqartittut isumassarsiat kisermaanneqartariaqartarput, pisariaqartinneqartarlunilu paasinnissinnaasunut apuussassaqartarneq. Siunnersortimik isummersoqateqarnissannut periarfissaqarputit, aallarnisaaninni suliffeqarfimmilluunniit piginnittutut ineriartorninni malinnaaffiginnissinnaasumik, pisariaqartitsilerfinnilu isummersuutinik utertitsiffiginnissinnaasumik aqqutaaniluunniit atorusukkukkit atugassannik siunnersuutinik tunioraasinnaasumik.

Ilitsersorneqarneq

Suliffeqarfissatut isumassarsianni anguniakkavit angujartuaarnissaanik Nalik Ventures-imiik siunnersortinik ilitsersorneqarsinnaavutit. Branchep suliffigisavit iluani kikkut attavissarineritit siunnersortit ilitsersuussutigisinnaavaat, qanoq missingersuusiussasutit, qanoq niuerfiup iluani pissuseqassanersutit il.il.
Malugiuk:
Siunnersortimik oqaloqateqarneq pisussaaffiliinertaqanngilaq, tamanna aamma atuuppoq suliffeqarfiutilittut siunnersortip siunnersuinera malissallugu aalajangersimaguit, taamaattumik namminersorlutit inuussutissarsiummik ingerlatsisutut inernerusoq akisussaaffigissavat.

Siunnersortimut attaveqarit

+299 34 28 70