Kalaallit Nunaat matumanilu suliffeqarfiit ineriartortitsinissaq siuariartornissarlu anguniartuarnissaa pillugu nunat tamalaat akornanni amerlanerusunik isumaqatigiissusiortarnissaat pingaaruteqarpoq.
Northern Economic Development Agency imaluunniit CanNor Canadami nunap inoqqaavisa suliniaqatigiiffiat ukiut 15-nit missaanni Canadami Inuit pissarsissutigisaanik ineriartortitsillunilu aaqqiissutinik pilersitsisarnermigut angusarissaarsimavoq. Maanna Nalik Ventures CanNor-ilu suleqatigiinnissamut isumaqatigiissusioreersullu misilittagaat ilisimasaallu nunatsinni atorsinnaanngussavagut.
”CanNor aamma Nalik Ventures akunnerminni suleqatigiinnissamut isumaqatigiissut nunap inoqqaavisa suliniaqatigiiffii aammalu suliffeqarfiutaasa Canada aamma Nunarput akimut suleqatigiilernissaannut alloriarneq siulliusussaassaaq. Isumaqarpunga immitsinnut ilisimasassarsiorfigilluarnissarput aammalu suliniaqatigiiffitta tamatsinnut iluaqutaanissaa qularutissaanngitsoq,” Nalik Ventures pisortaanera Thomas ”Tyt” Mogensen oqarpoq nangillunilu:
”CanNor ukiorpassuarni Canadami naggueqatitta ineriartortitsiviunissaannut sulinissaminik misilittagaat nunatsinni nalitoorujussuanngorsinnaavoq. Nalik Ventures-miit siunissami CanNor peqatigalugu angusanik pilersitsinissaq qilanaaraarput.”
CanNor ilaatigut takornariaqarnerup silarsuaani nutaaliornikkut eqqarsarnissaminnik misilittagaqarput. Matumani Connor piffikkaartuni ineriartortitsinikkut misigisassarsiortitsinikkullu nutaaliorsimavoq.
”Northern-it aqutsinikkut, nutaaliornikkut aammalu aallarnisaanikkut killeqarfiit qaangerlugit ataatsimoorfiusumik ingerlatsisuupput,” Jimi Onalik, CanNor-mi præsidenti oqarpoq.
”CanNor-mi præsidentitut Nalik Ventures suleqatigiinnissamut isumaqatigiissusioqatigineranut nuannaarpunga, aammalu Canadami Kalaallit Nunaannilu pisisartunik qaninnerusumik suleqatigiissitsilernissap naleqassusaa isiginiarlugu. Suleqatigiinnissamut isumaqatigiissut una issittumi ataatsimoorussamik aningaasaqarnikkut ineriartortitsinissaq aammalu siammaanissaq nukittorsassavaa.”
”Immitsinnut immersueqatigiinnissatsinnut takornariaqarnermi misilittakkat suleqatigiiffiginissaat avitseqatigiiffiginissaallu assersuutissat ilagaat. Sammisat arlalippassuarni pitsaasumik suleqatigiilernissaq inerisarsinnaagipput isumaqarpunga, alloriarnerillu tassani tulliuttut Nalik Ventures-miit qilanaaraagut,” Thomas ”Tyt” Mogensen naggasiivoq.
”Ukiuni 15-ni Nunavumi, Northwest Territories aammalu Yukon-mi suliffeqarfiit, suliniaqatigiiffiit aammalu naalakkersuisutigut pissutsini piujuaannartitsinissamik aallaaveqartumik, siammasissuunissamik aammalu nutaaliortumik aningaasarsiornermik nukittorsaaqataaffiginiarlugu sulinermi, CanNor Nalik Ventures nunatta atugarissaarnikkut aammalu aningaasaliinikkut siuariartornissamik pilersitsiviginissaannut nukittuumik inissisimavoq,” Onalik naggasiivoq.
