Tusagassiortunut nalunaarut, Nuuk 3. november

Nalik Ventures suleqatigiinnissamut ineriartortitsinissamullu aggersaavoq Katuami novembarip tallimaanni ataatsimiinneq 

Nalik Ventures paasissutissanik siammarterivimmik GoGreenland-mik atserlugu saqqummersitsinissamut atatillugu ataatsimiinnissamut qaaqqusivoq.

Nuummi mittarfittaap ammarnera, aammalu Ilulissani Qaqortumilu mittarfissat atulernissaanni Kalaallit Nunaat takornariaqarnermi, inuussutissarsiornermi nunallu immikkoortuini ineriartornikkut nutaanik pisoqarfiulerpoq. Attaveqaatitigut pitsanngorsaanerit tikeraanut amerlanerusunut, aningaasaliinernut suleqatigiinnissamullu periarfissanut nutaanut periarfissiipput – kisianni aamma pisinnaassutsimut ataqatigiissaarinermut ilungersunartorsiorfiussapput.

Massakkut Nuummi akunnittarfiit unnuisarfiillu ulapaarfiit nalliutileruttorfiini ulikkaaqqaneralereertarput. Tamanna periarfissat pioreersut pitsaanerusumik atornissaat kiisalu suliffeqarfiit assigiinngitsut akimorlugit nutaanik neqeroorusiornissamik ineriartortitsinissamut pisariaqartitsisoqarneranik naqissusiivoq.

Nalik Ventures maanna tullertut alloriarfissamik suliniuteqarniarluni ingerlatsisut katerisinniarpai, siunissami nunatsinni takornariaqarnermut inuussutissarsiornermullu tunngatillugu avitseqatigiiffimmik ataatsimoorfiusumik pilersitsilluni. Novembarip tallimaanni Nuummi Katuami ataatsimiinnermut qaaqqusivugut, tassani takornariaqarneq, inuussutissarsiorneq pisortallu suliffeqarfiutaat akimorlugit  suleqatigiinnikkut periarfissanik erseqqissaasoqarnissaa siunertarineqassaaq.

“GoGreenland aqqutigalugu suliffeqarfinnut, aningaasaliisartunut, aalajangiisartunullu itisilikkanik misissueqqissaarnernut nalunaarusianullu takunnissinnaanissannik periarfissaqarputit. Siunertaraarput pitsaasumik ilisimasatigut tunngaveqalersitsinissarput, taamaasilluta ataatsimoorluta nutaanik periarfissiisinnaassaagut nunarpullu tamakkerlugu suliffeqarfiit akimorlugit suleqatigiinnerup nukittorsarnissaa siunertaralugu. Taama Inoqut Kristensen, Data Strategy & Solutions Lead, GoGreenland-imeersoq oqarpoq.

GoGreenland Namminersorlutik Oqartussat ataanni suliniutaavoq Nalik Ventures-imit ataqatigiissaarneqartoq, taassumalu siunertaraa nunatsinni suliffeqarfiit ataatsimoortinnissaat suleqatigiinnerallu pitsanngorsassallugu, mingutsitsinngisumik alliartortitsinissaq, nutaaliorneq piujuartitsinissarlu qitiutillugit.

Nittartagatsinni sukumiinerusumik paasisaqarit: www.gogreenland.gl

Nutaarsiassanut tunngatillugu attavissaq tassaavoq Inoqut Kristensen, attavigineqarsinnaavoq uunga: +299 342884 ik@gogreenland.gl