Nalik Ventures Investment Managerissarsiorpoq, misissueqqissaarnermik piginnaasaqartumik ataatsimullu periusissiornikkut aningaasaqarnikkullu paasisimasaqarluarluni nutaaliornermik, siuariartornermik aamma Nunatsinni piujuartitsinikkut aningaasaqarnikkullu ineriartornermut ikorfartuutaasussamik aningaasaliissutinik taarsigassarsititsinernillu ingerlatsisinnaasumik.
Atorfik Nuummi suliffeqarfiup allaffiani inissisimavoq, qaninnertullu pisortaaneq aqutsisorineqassaaq. Investment Managerissap nutaap suliffeqarfimmi immikkoortortalimmi sulisut tamaasa siammasissumik suleqatigissavai – sulinermilu ulluinnarni ”sullissisartooqatigiit” aammalu aningaasaqarnermut sulisut pingaarnertut suleqatigissallugit.
Nalik Ventures ingerlatseqatigiiffimmi pingaarnertut inissisimavoq Nunatsinnullu attuumassuteqartunut ingerlatseqatigiiffiinnut toqqakkanut, inuiaqatigiit pigisaannik nalitoorujussuarnik aningaasalersuinernik aqutsisuulluni. Siuarsaaqqinnernut aammalu siunissami annertunerusumik aningaasalersugassanut, nunatsinni piginneqataaffiusussanut nunallu tamalaat akornani suliniutinut peqataanissanut patajaallisaanissamut aningaasaliinermi pissarsiat atorneqartarput. Nalik Ventures ulluinnarni sulisunik 15-inik sulisoqarpoq.
Investment Managerissap nutaap aningaasalersuinerup iluani ineriartortitsinissaq akisussaaffigissavaa kiisalu taarsigassarsititsisarneq aammalu Nunatsinni aningaasaqarnerup siuarsarnissaanut ineriartortitsineq suleqataaffigissallugu. Pingaarnertut suliassat ilaatigut makkuussapput:
- ”Nammineerluni” aningaasalersuinikkut aammalu taarsigassarsititsinikkut ingerlatat pingaarnertut allaffissuunnissaat (ilaatigut Debbie-miittut)
- Qulaani taaneqartunut attuumassuteqartunik siulersuisoqarnikkut sullissineq
- Aningaasalersuinissanut, taarsigassarsititsinissanut aammalu Inuussutissarsiornermut immikkoortitanit tapiissutinut qinnuteqaatinik nalilersuinissaq suliarinninnissarlu
- Aningaasalersuinissat, taarsigassarsititsinissat Inuussutissarsiornermullu immikkoortitanit tapiinissamik siulersuisunut innersuussusiornissaq
- Aningaasalersuinernut, taarsigassarsititsinissanut tapiissutinullu akuerisanut naammassinninneq, matumani misissuineq ilanngullugu
- Suliffeqarfinnut allanut attaveqartarnikkut ujartuineq suleqatissarsiorneq siunertaralugu
- Inuussutissarsiuteqarnikkut suleqateqarnermut attuumassuteqartut tamaasa pillugit EIFO-mik suleqateqarneq
- Soqutigisaqartutut susassaqartunik, matumani EIFO-mik, Bankivimmik, Grønlandsbankenimik, kommunini siunnersuivinnik, kukkunersiuisunik eqqartuussissuserisunillu ataavartumik attaveqarneq
Sulisussatut piukkunnaatilik eqqortoq aningaasaqarnermut tunuliaqutaqartumik assingusumilluunniit ilinniagaqassaaq – kalaallisullu oqaatsinut ilisimasaliuneq pitsaaqutaassaaq. Sulisussatut piukkunnaatilik misilittagalik nammineersinnaassuseqarluartorlu, siuarsaanermik aningaasaqarnikkullu ineriartortitsinermik periarfissiinissamut kajumigisaqartoq – taakkununngalu ilanngullugu ukuninnga piginnaasalik pisariaqartinneqarpoq:
- Aningaasaqarnermik suliffeqarfinnillu aqutsinerup iluani patajaatsumik misilittagalik
- Suliffeqarfiit- aamma suliniutit ilippanaataannik, nalittorsaanermik suliffeqarfiillu piujuartitsinerannik nalilersuisinnaanissamut misissueqqissaarnikkut piginnaasaqarluartoq
- Periusissiornikkut tamakkiisumik isiginnissinnaanermi saniatigut immikkuualuttunut tappiffeqarnissamut piginnaasalik
- Piginnittunut aqutsisunullu siunersiueqataalluarsinnaasoq, toqqaannartumik isumassarsiorfiulluarsinnaasumillu attaveqariusilik, nutarsaanermut, angusassamik toraagaqarnermut naammassinnissinnaanermullu ikorfartuisinnaasoq
- Soqutigisaqaqatigiit assigiinngitsut akornanni aaqqiissutissarsiortoq aqutsisinnaanermillu misilittagalik kiisalu suleqatigiinneq oqaloqatigiinnerlu aqqutigalugit angusaqarsinnaasoq
- Attaveqallaqqissoq suliffeqarfik tamaat isigalugu
Nalik Venturesip suliffik pissanganartoq pingaaruteqartorlu Kalaallit Nunaannut sunniuteqarnissamut periarfissiisoq neqeroorutigaa piffissami inuussutissarsiuteqarnikkut ineriartornerup killiffiani pingaarutilimmi. Nalik Venturesimi Investment Managerissaq nutaaq, suliffeqarfimmi anginngitsumi aammattaaq atorfissamini ilusilersueqataasinnaavoq, aalajangiisartut qanimut suleqatigineqarlutik. Suliffeqarfik pilerinartumik soraarnerussutisiaqartitsiviusumik aningaasarsiaqartitsisarpoq, Codan Care atorlugu sillimmateqartitsilluni ukiukkaartumillu sulinngiffeqarnermi akiliunneqarluni angalatitsisarluni, kiisalu suliffimmut atatillugu inissaqartitsisoqarsinnaalluni. Nuup qeqqani ilorrisimaarnartumik sulinikkut avatangiiseqarluni, ulluinnarni Investment Manageritut qeratanngitsumik sulisoqassaaq.
Nalik Venturesip Pointer A/S suleqatigalugu Investment Managerissarsiorneq ingerlappaa. Taamaattumik Pointer A/S-imi pisortaq Inger Marie Ingvardsen uunga +45 29 36 86 36 attavigalugu annertunerusumik paasissutissinneqarumasinnaavutit. Saaffiginninnerit tamarmik isertuussaasumik suliarineqassapput.
Piaarnerpaamik kingusinnerpaamillu pingasunngorneq 8. oktober 2025 imi@pointersearch.dk -mut allagaqarluni qinnuteqarneq nassiunneqassaaq.
