Nunat tamalaat akornanni suliniaqatigiiffiit suleqatiginerisigut Kalaallit Nunaanni aallarnisaaneq nukittorsaaqataaffigaarput, matumanilu avataaniit aningaasaliinerit aqqutissiuunnerisigut pissaaq.
Matumanilu Nalik Startup nunat tamalaat akornanniit aningaasaliissutit aqqutissiuussai pillugit paasissutissat pingaarnerit atuarsinnaavatit.
Aningaasaliinerit assigiinngitsut suleqataaffigaagut, ataani allattorsimasut.
Nunap immikkoortuini sisamaasuni Kalaallit Nunaanni, Islandimi, Savalimmiuni kiisalu Norgep sineriaani, minnerpaamik nunap immikkoortui marluk suleqatigiinnikkut peqataappata suliniutit tapersersorneqartarput.
Pilersaarutip atlantikup avannaani nunat immikkoortuisa piujuaannartitsinikkut aningaasaqarneri nukittuunngorsarlugillu eqinnaatsunngorsarniarpai.
Suliffeqarfiit, pisortaqarfiit inuillu ataasiakkaat il.il. qinnuteqarsinnaapput.
NORAp suliniutit ukiumik ataatsimiit ukiunut pingasunut sivisussusilikkat, annerpaamik ukiumut 500.000 DKK-nik tapiiffigisinnaavai, piffissamilu tamakkiisumi annerpaamik 1,5 mio. DKK-nik tapiiffiigisinnaallugit.
Ataatsimoorussassatut unammilligassat, periarfissat imaluunniit soqutigisat iluini soorlu assersuutigalugu Imaanit pisuussutinit aningaasarsiornermik, Piujuartitsinermik tunngaveqartumik takornarialerinermi, Aningaasaqarnerup kaaviiaartitsinermi, Assartuinermi, Nukissiornermi aammalu Najukkami Inuiaqatigiit tunaartaralugit suliniutit aallartinneqarsinnaasut iluiniissinnaapput.
SMV-t (Suliffeqarfiit mikisunik akunnattunillu angissusillit) siunnersorneqarnermikkut, pikkorissarneqarnermikkut, workshoppertinneqarnermikkut ataatsimiisinneqartarnermikkullu piginnaasaannik ineriartortitsinissaq siunertaraa.
Europakommissionenimi DG INTPA-mit suliniummi Capacity Facility-mi, Nalik Startup Kalaallit Nunaanni namminersortunngorniarlutik aallartisartunik ineriartortitsinissaminut inuussutissarsiuteqarnikkut tapiissutisivoq.
Ingerlatsinerup ingerlanerani sinerissami siunnersuinernut, pikkorissaanernut, workshoppinullu peqataaniarluni nalunaartoqarsinnaavoq. Illoqarfinnut atasiakaanut qaqugu tikissanersugut takuniarlugu, ukiumut pilersaarut takuuk.
Aammattaaq ingerlatsinerup ingerlanerani namminersortutut aallartisartut suliffeqarfiilluunniit pioreersut, nioqqutissiornikkut ineriartortitsinermut kittaartakkanulluunniit tapiissutinik qinnuteqarsinnaapput.
Interreg NPA Northern Periphy and Arctic sumiiffiinni innuttakitsuni nutaaliorneq isorliunerusunilu unammillersinnaassuseqarneq ukkataralugit suleqatigiinnikkut suliniutinut tapersersuisarpoq.
Sumiiffiit innuttakinnerullutillu nunani inissisimanermikkut avinngarusimasumiittut, nunap pissarititaasigut piorsarsimassutsikkullu isumalluuteqarnerisa siuarsaaffiginerunissaat pilersaarummi anguniagaavoq.
Nunap immikkoortui Finland, Irland, Sverige, Norge, Island, Savalimmiut aamma Kalaallit Nunaat ilaapput.
Avatangiisit, silap allanngoriartornera, takornarialerineq, inuussutissarsiutitigut inerisaaneq, peqqinneq ilinniartitaanerlu eqqarsaatigalugit suliniutit aallartisarneqarsinnaapput.
Nunat akornanni suleqatigiinnerup nukittorsarneqarnissaa anguniarlugu, suliniutit taakku EU-mit aningaasalersugaapput.
Nunat tamalaat akornanniit aningaasaliissutit pillugit siunnersorneqarusuppit?
Aallarnisaasutut suliffeqarfimmillu piginnittutut oqaloqatigiinnermi suut eqqartorneqassanersut illit aalajangissavat, taamaattumik illit suliffeqarfivit pisariaqartitai aallaavigalugit siunnersorneqassaatit.
Nalunaaqutaliillutillu ulluliinissat periarfissaraat ajornanngippallu Nuummiikkuit allaffimmut ornigussinnaallutit, internetsi aqqutigalugu ataatsimeeqateqarsinnaallutit imaluunniit oqarasuaatikkut ataatsimeeqateqarlutit, taamaalillutit suliffeqarfissatut isumassarsiat oqaloqatigisallu kisissi piffissaqarfigilluarlugu eqqartorsinnaaniassagassiuk.
© 2025 Nalik Ventures. Powered By Nuna Media Designs
