Atorniarneq aningaasaliinerlu

Nalik Ventures suliffeqarfinnut ineriartorusuttunut alliartorusuttunullu annaaratarneqarsinnaasunik aningaasalersuisinnaavoq brancheanut tamanut, aningaasanik atortitsinikkut aamma aningaasalersuinikkut. Suliffeqarfiup ineriartulernissaa aamma/imaluunniit ineriartorteqqinnissaa Nalimmit aningaasalersuinerup peqataaffigissavaa.

Suliffeqarfivillu alliartortinnissaa aningaasalersuinerup siunertarissavaa. Assersuutigalugulu pisisartunut nutaanut tunisassiulernissat, nutaanik nioqqutissiulernissat, tunisassiornikkut atortorissaarutivit allilernissaat, suliffeqarfiup atortussaannik maskinanik pisinissaq, inuussutissarsiorluni illuutinik aningaasaliinissatit tassaasinnaapput suliffeqarfippit allissutissai.

Nalik Ventures-imiillu aningaasalersorneqarnerit suliffeqarfiup allilerneqalernissaanut aningaasalersorneqarnerpit tamakkiisup ilagaa, taamaalilluni Nalik Ventures-imit aningaasalersorneqarsimaneq aningaasalersuerusuttunit allaniit, ilaatigut suliffeqarfippit aningaaserivianit, annertunerusumik suliffeqarfiutivit aningaasalersorneqarnissaanut kajumilersitsiniassammat.

Aallarnisaataasumik oqaloqatigiinneq

Suliffeqarfiutivit aningaasalersorneqarnissaa pillugu qinnuteqannginninni, aallarniutaasumik pisortatiguunngitsumillu Nalik Ventures-imit Investment Managerimik oqaloqatiginnissinnaavutit.

Investment Managerimillu aallarniutaasumik oqaloqatigilerunitit, suliffeqarfiup pisariaqartitai aallaavigalugit aningaasalersueriaatsit sorliussanersut ersarissassavai.

Aningaasalersuinerit

Atorniarneq

Nalik Ventures-imit aningaasanik atorniarneq tassaavoq annaaratarneqarsinnaasunik akilersorasuartariaqanngitsunillu atorniarneq. Taamaalilluni suliffeqarfiup aningaasaqarnikkut inissisimanera pilersaarusiorneralu aallaavigalugit atorniarneq naleqqussarneqarsinnaalluni, aningaasat atukkat akilersornerisa saniatigut suliffeqarfiup ineriartornissaa allilerneqarnissaalu piviusunngortinneqarsinnaasunngorlugit.

Malugiuk:
Suliffeqarfik aningaasalersuiffigineqarluni aningaasanik atortinneqassappatNalik Ventures suliffeqarfimmik piginneqataanissaa piumasaqaataanngilaq.

Aningaasaliineq

Nalik Ventures-imit piffissami killilikkami aningaasalersuineq tassaavoq annaaratarneqarsinnaasunik akilersorasuartariaqanngitsunillu aningaasaliineq, aningaasalersuinerullu suliffeqarfiup aningaasaqarnikkut patajaannerusumik inissisimalernissaa siunertarisinnaavaa, suliffeqarfiutivit ineriartornissaa alliartornissaalu piviusunngortissinnaaniassagakku. Aningaasaliineruttaaq suliffeqarfimmi sulinikkut piginnaasaqalernissaq attaveqarfigineqarsinnaasullu annertunerulersinnissaannik periarfissat, Nalik Ventures-ip siulersuisuini issiatitaqarneratigut pissarsiarineqarsinnaassapput.

Aningaasalersuinerit akuleriit

Suliffeqarfiup pisariaqartitai aallaavigalugit ineriartorsinnaanissaa alliartorsinnaanissaalu qulakkeerumallugu, Nalik Ventures-ip aningaasalersuinissani allanillu aningaasalersuisoqarnissaa suliffeqarfimmut naleqqussartarpaa.

Suliffeqarfiutivit suut pisariaqartinnerai anguniagarineraalu immikkuullarissuummata, Nalik Ventures-imi aalajangersimasumik aningaasalersueriaaseqanngilaq.

Taamaammat illit suliffeqarfik sinnerlugu qinnuteqarniartutut qanimut suleqatigalutit suliffeqarfimmullu attuumassuteqartut aningaasalersueriaatsit allat eqqarsaatigalugit, Nalik Ventures-imut pingaaruteqarlunilu periarfissaavoq aningaasalersueriaaseq pitsaanerpaasorineqartoq suliffeqarfimmut tunniutissallugu.

Illit suliffeqarfik sinnerlugu qinnuteqartutit qanimut suleqatigeqqissaarlutit, Nalik Ventures-ip aningaasalersueriaaseq tulluarsassavaa.

Qinnuteqarnissamut piumasaqaatit

Piumasaqaatit ataaniittut naammassisimagukkit, Nalik Ventures-imut qinnuteqaammik nassiussisinnaavutit.

Aningaasalersueriaatsimullu qinnuteqarnermi piumasaqaatit pillugit itinerusumik paasisaqarusukkuit, Nalik Ventures-imi Invest Managerip attaviginissaanut tikilluaqqusaavutit.

Aningaasalersuinissamut qinnuteqarnermi piumasaqaatit

Suliffeqarfiup qanoq ittuussusaa

Aningaasalersuinermut qinnuteqassaguit suliffeqarfiutit ukutut ittuussaaq:

Namminersortoq
Ingerlatseqatigiiffik
Piginneqatigiiffik
Aktienik piginneqatigiiffik

–

Brancheat siunertallu aningaasalersorneqarsinnaanngitsut

Aningaasalersuinermut qinnuteqarnerit suliffeqarfivit allissutigisussaavaa.

Taamaattumik ataani taaneqartut siunertaralugit aningaasalersuinissamut qinnuteqarsinnaanngilatit:

Atukkanut aningaasalersuisussarsiorneq
Amigartoorutinut aningaasalersuisussarsiorneq
Akiitsut allat akilernissaannut aningaasaliisussarsiorneq
Ileqqorissaarnissamut uniuuttunik nioqqusiornissaq soorlu atoqatigiittut pillugit isiginnaagassianik, tupanik sakkunilluunniit sanaartornissat
Illunik inissianillu attartortitsinissamik siunertat*
Inissianik attartortitassanik sanaartornissat*
Tuniniaaqqinnissaq siunertaralugu inissianik sanaartornssaq*

*Ersarissaaneq: suliffeqarfik qinnuteqartoq inuussutissarsiornikkut illuuteqalernissamut sanaartorniaruni aamma inuussutissarsiornikkut illutassamik pisiniaruni xxx-mit aningaasalersorneqarsinnaavoq.

Aningaasalersuinermut qinnuteqarit

Aningaasalersuinermut qinnuteqaasiussaguit Greenland Venturemi Investment Managerip paasissutissat assigiinngitsut pisariaqartissavai, tunngavilersorluakkamik assigiissaartumillu suliffeqarfiup qinnuteqaataa suliarissaguniuk.

Qinnuteqarninni eqqaamasassatit

Qinnuteqaasiuleruit ataani allassimasut pappilissat nassiutissavatit.

1. Qinnuteqaat

Qinnuteqaaterni uku paasissutissat ilaassapput:

Suliffeqarfiup aningaasalersuineq sorleq qinnutigineraa, aningaasanik atorniarneq imaluunniit aningaasalersuisussarsiorneq imaluunniit marluutillugit
Aningaasalersorneqarneq qanoq annertutigisoq suliffeqarfiup qinnutigineraa
Aningaasalersuineq sumut atorneqassanersoq

2. Suliffeqarfiup piginnittai allallu attuumassuteqartut

Suliffeqarfiup piginnittai attuumassuteqartullu allat pillugit paasissutissat uku ilanngutissavatit:

Piginnittut aqqi attaveqarfissallu
Piginnittuunermut isumaqatigiissut, piginnittuunermullu uppernarsaat
Piginnittut CV-vi
Suliffeqarfiup kukkunersiuisua
Suliffeqarfiup eqqartuussissuserisua

3. Ingerlatsinissamut pilersaarut

Ingerlatsinissamut pilersaarusianni suliffeqarfiup nioqqutai nassuiaatigissavatit, qanorlu suliffeqarfik inerlatsiniarnersoq. Ingerlatsinissamut pilersaarutip xxx tamakkiisumik takunnissinnaalertissavaa, qanoq suliffeqarfiutivit anguniakkani anguniarnerai aningaasalersueriuserlu qanoq ittoq qinnutiginerit.

Suliffeqarfinnut aallarterlaanut suli pilersinneqanngitsunut, ingerlatsinissamut pilersaarut suliarissallugu naleqqunneroratarsinnaavoq.

Ingerlatsinissamut pilersaarummi uku paasissutissat ilanngunneqassapput:

Suliffeqarfiutivit suna anguniagaraa
Suna pissutaalluni suliffeqarfiutit patajaatsuua
Suliffeqarfiutivit nioqqutissaq suna aningaasarsiutiginiarpaa
Qanoq suliffeqarfik iliussava aningaasarsiulerniarluni

4. Missingersuutit kukkunersiuisup suliarisimasai

Ingerlatsinissamut pilersaarutinnut naapertuuttut suliffeqarfiutivit missingersuutai tunngaveqartut, kukkunersiuisumit aningaaserisumilluunniit suliarineqarsimasut, akuerineqarsimasulluunniit. Missingersuutit ukiuni 3-nit 5-nut sivisussuseqartumik atuuttut ukuninnga imaqassapput:

Pilersitsinissamut missingersuut
Ingerlatsinermut missingersuut
Naatsorsuutit inernerinut missingersuut
Qaammatikkaartumik aningaasanut tigoriaannarnut missingersuut

Qinnuteqaat nassiuguk

Pappilissat ataani allassimasut Nalik Ventures-imut nassiutissavatit uunga info@nalik.gl

Qinnuteqaat
Suliffeqarfiup piginnittoqarnera allallu attuumassuteqartut
Pilersaarusiaq
Missingersuut kukkunersiuisumit suliarineqarsimasoq

Uppernarsaat

Suliffeqarfiup qinnuteqaataa Greenland Venturemit tiguneqareerpat, illit qinnuteqartutut Investment Managerimit suliap aallartinneqarnera pillugu uppernarsaammik nassiussiffigineqassaatit. Inuit pillugit paasissutissiisarnermut inatsit… disclaimer

Qinnuteqaatit suliarineqartarnerat

Aningaasalersuinissamut qinnuteqaatit nassiutereerukku, siulersuisunut innersuussinissaq piareersarneqassaaq aammalu Investment Managerip attavigisimasavit siulersuisunut saqqummiutissavaa. Qinnuteqaallu siulersuisunut itigartinneqarluniluunniit akuerineqartussanngorlugu aalajangiiffineqassaaq*. Nalik Ventures-ip siulersuisuinit suliffeqarfiit akuersissummik tunineqarpat, akuersissut illit taava akuerissavat.

*Suliffeqarfiup akuersissuteqarneranut atugassarititaasut siulersuisunit allanngortinneqarlutillu naleqqussarneqarsinnaapput.