Ukiuni qaninnerni inuussutissarsiornerup ineriartorluarnera siunissamilu periarfissat neriulluarnartut pillugit Advisory Board Sisimiuni suleqatigiinnertik suli nukittunerulersinniarlugu ataatsimiipput, Kalaallit Nunaanni kommunini tallimaneersuni aallarnisaasut iluaqutissaannik.
Advisory Board-imi ilaasortat tallimat tassaapput nunatsinni kommunini tallimaasuniit aallartitat, taakkuuppullu inuussutissarsiornerup pitsaasumik ineriartornissaanut ineriartortitseqataalluarusuttut, periarfissanillu nutaanik atorluaarusuttut. Sisimiuni ataatsimeersuarnermi eqqarsaatigilluakkamik iliuusissatut aallaavissat suleqatigiinnerup nukittorsarniarlugu aammalu aallarnisaasunut kiffartuussinerup pitsanngorsarnissaa pingaarnertut sammivaat.
“Nunatsinni kommuneqarfiit tamaniit inuussutissarsiornerup iluani ineriartorluartoqarnera takusinnaallugu nuannaarutigaarput. Massakkullu piffissanngorpoq nukiit ataatsimiinnermi pisagut isumannaallisarnissaat, aallarnisaasut inuussutissarsiorfiillu aningaasaliinermut, siunnersuinermut periarfissallu allat atorfissaqartinneqarpata iserfigeriaannaanissaat qulakkeerniarlugu.” Thomas ’Tyt’ Mogensen, Nalik Ventures-imi Pisortaaneq oqarpoq.
Advisory Board-mi ilaasortat qanoq suleriaatsip oqinnerulernissaanut periarfissat assigiinngitsut eqqartorpaat, pitsaanerusumik aallarnisaasut inuussutissarsiorfiillu tapersersorsinnaalerniarlugit.
Advisory Board pillugu
Advisory Board tassaavoq nunatsinni kommunini tallimaasuni kattuffik, kattuffiup suleqatigiillutik anguniagaraat nunatsinni aningaasaqarnerup siuarsarnissaa aallarnisaasullu kommunini tamaneersut tapersornissaat. Advisory Board-mi ilaasortat ukuupput: Avannaata Kommuunia, Qeqertalik Business Council, Arctic Circle Business, Sermersooq Business aammalu Innovation South Greenland.
Suliffeqarfimmik aallarnisaaniarlutit eqqarsaatersuuteqaruit nittartakkatsinniittut sakkussat alakkarterniarigit. Apeqqutissaqaruillu uterfigaluta.
Inussiarnersumik
Thomas ‘Tyt’ Mogensen
Pisortaaneq, Nalik Ventures
