Skip to main content

Suliniutinut tapiissuteqarneq: Qinnuteqarfissaq kingulleq 6. marts.

Atlantikup Avannaani suleqatigiilluni suliniuteqarnermut tapiissutinik qinnuteqaqqinnissannut periarfissaqaqqilerputit. Suliniutinik ingerlatsinermi NORA-p nunat ilaasortat minnerpaamik marluk suleqatigalugit suliniuteqartarneq tapersersugaraa, nunani ukunani: Kalaallit Nunaat, Island, Savalimmiut aammalu Norgep sineriaa.

Atlantikup Avannaani suleqatigiilluni suliniuteqarnermut tapiissutinik qinnuteqaqqinnissannut periarfissaqaqqilerputit. NORA – Atlantikup Avannaani Suleqatigiiffik – nunat ilaasortat minnerpaamik marluk peqataaffigisaannik suliniummik ingerlatsinissami suliniutinut tapiissuteqartarpoq, nunallu uku pineqarput: Kalaallit Nunaat, Island, Savalimmiut aammalu Norgep sineriaa (Rogalandip kujataani, Tromsip Finnmarkillu avannaani nunap immikkoortortaqarfii) Qinnuteqarfissaq kingulleq tassaavoq ataasinngorneq 6. marts 2023 unnuakkut (kalaallit nalunaaqutaat malillugu) nal. 03.00 UTC d. 07.03.2023).

Nunani Avannarlerni Ministerit siunnersuisooqatigiit takorluugaraat Nunat avannarliit nunarsuarmi 2030 tikitsinnagu tassaalissasut akuulersitsinerpaat, mingutsitsinnginnerpaat aammalu inooqatigiinnikkut piujuartitsinerpaat. Taamaammat suliniutit tapiissuteqarfigineqartussatut qinnuteqaatigineqartut nunat avannarliit takorluugaannut naapertuuttuussapput, FN-p nunarsuarmi anguniagaanut 17-inuttunaartaqartuussallutik. Nunat avannarliit NORAp pilersaarutaani 2021-mit 2024-moortumut ataqatigiinnerat tunaartaralugu, takorluugaq qulequttanut arfinilinut ersarissarneqarsimavoq.

Suliniutinut qinnuteqarneq pilersaarutip qulequtaanut naapertuuttuussaaq:

Imaanit pisuussutinit aningaasarsiorneq

NORAp suliniutit, nunalerinikkut imaatigullu pisuussutinik piujuartitsinissaq eqqarsaatigalugu atorluaanermik siunertallit takorusuttorujssuuai. Assersuutigineqarsinnaapput suliniutit nerisareqatigiinneq eqqarsaatigalugu nutaaliorfiusut, nioqqutissiat tunisassiallu nutaat, pisat nutaatillugit nerisassiorneq, nunat avannarliit nerisassioriaasiat, najukkami pissarititaasut atorlugit piujuartitsilluni atorluaaneq imaluunniit suliniutinut taaneqartunut assingusut.

Piujuartitsinermik tunngaveqartumik takornarialerineq

Piujuartitsinermik tunngaveqartumik takornarialerinerup takornariaqarnikkut inuussutissarsiuteqarneq inerisaaqataaffigisinnaavaa, najukkamilu inuussutissarsiuteqarneq aningaasarsiornerlu taamaalillugu ineriartortinneqarsinnaalersillugu. Suliniutit siunissami takornariaqarnikkut suliffissuaqarnermik ukkassisut, immikkut pingaarnersiorneqassapput.

Aningaasaqarneq kaaviaartoq

Aningaasaqarnermi kaaviiaartumi pinngortitap tunniussinnaasai tunisassiornerlu pitsaanerpaamik ajornanngippallu sivisunerpaamik ingerlanneqartussaq, taamaalillunilu atortussianik annaasaqarnissap minnerpaaffissaa ingerlanneqartarpoq. Nunalli killeqarfii akimorlugit kommunet suleqatigiillutik aningaasa.

Assartuineq

Assartuinikkut aaqqiissutit pitsaanerusut mingutsitsinnginnerusullu, nunanik immikkoortortaqarfinnillu imminnut qaninnerulersitsisut. Imaatigut assartuinermi mingutitsinnginnerusunik nukissiuutinullu nutarsaruminarnerusunut atuinissamut ikaarsaariartuinnarnissamik suliniuteqartut immikkut NORAp pingaarsiortarpai.

Nukissiorneq

Nunani Avannarlerni innuttaasunut patajaatsumik iluaqusersuutaasumillu nukissiuuteqarnermik, nuna atorluarlugu, nutarsaruminartumik kiisalu kallerup inneranik ingerlateqartunik iluarsiissutinik ukkassineq. NORA-llu immikkut pingaarnersiussavai suliniutit, sumiiffigisanut tulluartumik nukissiornikkut aaqqiissutit, pilersuiffinnut anginerusunut atassuteqanngitsut.

Najukkami inuiaqatigiit

Najukkami pitsaasunik atugassaqarnikkut neqerooruteqarsinnaaneq najugarisami iluarusulluni inuunissamut tunngaviuvoq pingaarnerpaaq. Taassuma qimagulluni nuttarnissaq pinngitsoortillugulu sumiiffigisamut nutserneq qaffassassavaa. Najukkamilu oqartussaaqataanermik inuusuttunik peqataanerujartuinnartitsinermik eqqarsaateqarluni suliniutit, NORA-p suleqatigiiaarluni suliniutitut aallartisarneqartussat kissaatigisarai.

NORAp suliniutit tapersiissuteqarfigerusutai pingaarnerpaat tassaapput inuussutissarsiuteqarnikkut suliniutit aallarteqqaarnerminniittut. Piorsarsimassutsikkut – aammalu ilisimatusarnikkut suliniutit aaqqiissummi matumani ilaatinneqanngillat.

Nalilersuinermi tunngaviusut

NORAp ataatsimiitsitaliaata nammineerluni aalajangertarpaa kikkut tapiissuteqarfigineqassanersut, NORAp allattoqarfiatainnersuussinera naapertorlugu. Naliliinerlu ukunannga tunngaveqartarpoq:
  • Qulequttanut arfinillinut attuumassuteqartuussaaq nunallu immikkoortuata pisariaqartitarissavaa
  • Suliniutip naammassineqarsinnaasusaa
  • Nunap immikkoortuanut tapersiissutaasumik nutaaliorneq aallarnisaanerlu
  • Suleqateqarneq aammalu suliniutinut suleqatigisat tapersiissuteqarsinnaanerat
  • Nunanut avannarlernut iluaqutissiineq
  • Missingersuusiaq piviusorsiorlunilu avammut ammasoq
  • Suliniutit inernerisa atorneqaqqissinnaanerannik takutitsisinnaaneq.

NORA-p suliniutinut tapiissuteqarfigisinnaasaanut piumasaqaatit

  • NORA-mut ilaasortaasunit sisamaasunit minnerpaamik nunat marluk suleqatigiinnissaat

  • Minnerpaamik nammineerluni 50 %-ianik aningaasaliisuunissaq

  • NORA-mit tapiissutit ukiumut DKK 500.000 qaangertussaanngilaat imaluunniit ukiuni pingasuni DKK 1.500.00 qaangertussaanagit

  • NORAp siammarteriffimmini inernerusut pingaarnerit saqqummiussinnaassavai.

  • Suliniutillu piumasaqaatit tunngaviusut sisamat naammassineqarsimanngippata, NORA-p allattoqarfianit qinnuteqaat itingartinneqarsinnaavoq.

Qinnuteqarneq NORAP qarasaasiakkut qinnuteqartarfiatigut nassiunneqassaaq: