Skip to main content

Mikrolåni

Mikrolåni tassaavoq aallarnisaasuaqqanut aallarterlaanut taarsigassarsinissamut neqeroorut. Uagut kingunerluuteqartitsisinnaassuserput aningaaserisunit annerujussuuvoq, taamaattumillu aallarnisaasartup mikrolåni aqqutigalugu aningaasalersuinissamut qinnuteqarnermi periarfissagissaarnerujussuupput. Mikrolåni atuutsitsilernermut, matumani maskiinanik, atortorissaarutinik il. il. pisineq ilanngullugit, tunniunneqarsinnaavoq. Ingerlatsinermuttaaq assersuutigalugu ininut inuussutissarsiorfinnut depositummimut (qularnaveequt) imaluunniit nioqqutissanik pisinermut il. Il. atorneqarsinnaapput.

Mikrolåni aamma tunisassiamik pilersitsinissamut tapiissutit akulerunneqarsinnaapputtaaq. Assersuutigalugu qinnuteqartup suliniuteqartup ingerlatsinissamut aningaasaatissanut ineriartortitsinissamullu aningaasartuutinut aningaasartuutissanik missingersuuteqartup mikrolåni aamma tunisassiamik pilersitsinissamut tapiissutit marluutillugit qinnutigisinnaavai.

Assersuut

Ingerlatsinermut aningaasaatit 20.000 kr. x 50 % mikrolåni = 10.000 kr.

Ineriartortitsinissamut aniingaasartuutit: 80.000 kr. x 25 % mikrolåni + 50 % Nioqqutissamik ineriartortitsinermut tapiissutit = 20.000 kr. (+ 40.000 kr.) = 60.000 kr.

Pisassarilersinneqartoq tamarmiusoq tassaalissaaq:

Tunisassiamik pilersitsinissamut tapiissutit: 40.000 kr. Mikrolåni: 30.000 kr. Katillugit: 70.000 kr. kiisalu suliniutip missingersuutai tamarmiusut 70 %-ii.

Mikrolånernissamut siunertat annertussutsillu

Mikrolånit assigiinngitsut pingasuupput, tamarmillu suliniutip aallartinnginnerani siumut akilereersimassallutik:

Ineriartortitsinissamut aningaasartuutinut taarsigassarsineq

Suussuseq

Ineriartortitsinissamut aningaasartuutinut taarsigassarsineq

Qaffasinnerpaaffissaa

Qaffasinnerpaamik missingersuutini aningaasartuutit 75 %-ii

Siunertaa:

– atuutsitsilernermut allisaanermullu

– tunisassiornermut isumassarsiornermi ineriartortitsineq

– niuerfissanik pilersitsineq

– pilersaarusiorneq

Inuussutissarsiummik siuarsaanissamut aningaasalersueqataanissamut taarsigassarsineq

Suussuseq

Inuussutissarsiummik siuarsaanissamut aningaasalersueqataanissamut taarsigassarsineq

Qaffasinnerpaaffissaa

Allanik tapiissutinik akuneqarpat qaffasinnerpaamik 25 %-ii

Siunertaa:

– atuutsitsilernermut allisaanermullu

– tunisassiornermut isumassarsiornermi ineriartortitsineq

– niuerfissanik pilersitsineq

– pilersaarusiorneq

Sulinissamut aningaasaatissanut (Arbejdskapital) taarsigassarsineq

Suussuseq

Sulinissamut aningaasaatissanut (Arbejdskapital) taarsigassarsineq

Qaffasinnerpaaffissaa

Qaffasinnerpaamik missingersuutini aningaasartuutit 50 %-ii

Siunertaa:

– Sulinissamut aningaasaatissanut, pingaartumik nioqqutaasivimmiittussanik pisinermut.

Taarsigassarsiat katillugit

Suussuseq

Taarsigassarsiat katillugit

Qaffasinnerpaaffissaa

missingersuutit tamarmiusut qaffasinnerpaamik 75 %-ii

Minn. 20.000 kr.

Annerp. 100.000 kr.

Qinnuteqarnissamut piumasaqaatit

  • Aallarnisaasartut nunami inuussutissarsiummik aallartitserusuttut. Matumani pineqarput sullissinermi, takornarialerinermi, suliffeqarfissuarni (industri), niuernermi, akunnittarfilerinermi, IT-mi, misigisassarsiornerni allanilu suliffeqarfiit aamma/imaluunniit susassaqartitsinerit.
  • • Taakku saniatigut siunertaq allanit tapiissutinit taperneqarsimassanngilaq, soorlu pisortanit tapiissutit ilinniartitaanermut, aalisarnermut, nunalerinermut kultureqarnermulluunniit tunngasut.
  • Qinnuteqartoq cvr normoqareersuussaaq tapiissutinik pissarsisinnaassaguni.
  • Inuk suliffeqarfilluunniit Kalaallit Nunaanni najugaqartutut nalunaarsorsimassaaq tamakkiisumillu Kalaallit Nunaannut akileraartussaatitaassalluni
  • • Suliffeqarfik namminersortumit pigineqassaaq. Namminersortumit pigineqartoq ima paasineqassaaq, suliffeqarfik kommunimit Namminersorlutilluunniit Oqartussanit 49 %-imit annerusumik pigineqanngitsoq.

Qinnuteqarnermut uppernarsaatit

Uku allagaatit ilanngutissavatit:

  • Suliffeqarfiup pilersaarutaa
  • Aallarniinermi aningaasartuutinut missingersuut, aningaasat sumut atorneqarnissaanut ersitsisussaq

Uku allagaatit aamma pisariaqaratarsinnaapput:

  • Ingerlatsinermut, akiliisinnaasuseqarnermullu missingersuut
  • Aningaaserivimmit oqaaseqaat
  • Pilersuisumit neqeroorut

Qinnuteqaasiunnginninni siunnersuutigaarput kommunerisanni inuussutissarsiornermut siunnersortimik oqaloqateqaqqaarnissat, taakku ikiorsinnaassammatit qanoq allagaatit suliarisinnaaneritit.

Qinnuteqaatit nassiuguk

Nalik Ventures-ip qinnuteqartarfiatigut qinnuteqaatit uppernarsaatitassai ilanngullugit nassiutissavat. Qinnuteqaatinut nassiussisarfik ilinnut atortussiaavoq, qinnuteqaatit ilanngullugu uppernarsaatit suut nassiussimanerlugit tamakkiisumik takunnissinnaalersitsisoq, qinnuteqarnerpillu naammassineqarnissaminut suliarineqarnera sumut killinnersoq malinnaaviginnissinnaalersitsisoq, kiisalu tapiiffigineqarnissamik qinnuteqaatit aningaasaliiffigineqarsimappat aamma tassuuna tapiissutinik tunniunneqarsimasunik annikitsumilluunniit taarsigassarsiannik atuinerit malinnaaffigisinnaavat.

Qinnuteqarnerit tamaasa sullissisumik oqaloqateqartassaatit, taamaalilluni ilinnut suliffeqarfinnullu naleqquttumik kiffartuunneqartarniassagavit.

Profililorit
Qinnuteqaativit nassiutinnginnerani qinnuteqartarfimmi atugassannik profililiussaatit, taamaalilluni sullissisoq illillu qinnuteqarnerit pillugu oqaloqatigiinnissarsi aallartinniassammat.

Qinnuteqartarfimmut isertaatit atorlugit iserit
Qinnuteqartarfimmi atugassannik profililioreersimaguit, qinnuteqartarfik aqqutigalugu qinnuteqaasiornissannut immersuiffissamik qinussaatit, taamaalillutit oqaloqatiginninnissat aallartissagakku.

Ansøg” toorukku qupperneq nutaaq ammassaaq, taannalu tassaavoq Nalik Ventures-imut Nioqqutissiornikkut ineriartortitsinissamut tapiiffigineqarnissamut annikitsunillu taarsigassarsiniarnissamut qinnuteqartarfik.
Ansøg

Qinnuteqaatit suliarineqartarnerat

Qinnuteqaatit tiguneqarpat, naatsorsuutigissavat suliarineqarnera qaammammik ataatsimik sivisussuseqarsinnaasoq.

Nalik Ventures aningaasaliissutit pillugit ataatsimiitsitaliaqarpoq, qinnuteqaatinut nassiunneqartunut aalajangersaasuullunilu nalilersuisartumik.

Tapiissutinik agguaanerni suliffeqarfiit unammillersinnaasut eqqumaffigineqartarput. Nalik Ventures suliniutinut unammeqatigiinnermut ajoqutaasinnaasunut tapiissuteqarneq ajorpoq. Tassa imaappoq illoqarfinni annerusuni qinnuteqaatit pitsaassusaasa annertunerunissaat piumasaqaataakujuttarput, suliniummi nutaaliornissamut piumasaqaatit annerullutik, niuerfiullu angissusaanik annertusaanissamut periarfissaqassalluni.

Akiligassiussat
Taarsigassarsineq pineqarmat akiligassiussat akilerneqassapput.

Amerlaqatigiinnik taarsersuinissamut taarsigassiineq (annuitetslån) pineqarpoq, tassa aki aalajangersimasoq (akiliineq) qaammatit tamaasa (termin) akilerneqartarluni.

Akilersuinerup sivisussusaa qaammatinut 36-nut aalajangersimasuuvoq, pissutsinili aalajangersimasuni isumaqatigiissuteqarnikkut sivitsorneqarsinnaavoq.

Siusinnerusukkut akiliineq akiligassiussalluunniit immikkuullarissut akitsuutinik naatsorsorneqaratik pisinnaapput, kisianni akitsuutit atuutsitsilernermiluunniit aningaasartuutit atorunnaarsinnissaannut pisinnaatitsinngillat.