Ataatsimeersuarnermi 2025-mi novembarip 28-anni pisumi, suliffeqarfimmi ineriartornermi kapitali nutaaq aallarnerfiuvoq.
Siulersuisuni ilaasortat nutaat marluk
Siulersuisuni marlunnik ilaasortassanik toqqaasoqarpoq; Malene Broberg aamma Signe Marie Sveinbjørnsson. Ilaasortat nutaat Kalaallit Nunaanni inuussutissarsiornikkut, aningaasaliinermut nunallu tamalaanik suleqateqarluni ineriartortitsinermik naleqaqisumik misilittagaqarlutillu ilisimasaqarput. Siulersuisut ataqatigiissaarneqarnerat taamaasillutik nunap immikkoortuani atuutsitsissapput nunarsuarmullu avammut paasisimasaqartuussallutik.
Tamanna ilutigalugu Jette Larsenimut aamma Lykke Geisler Yakabaloylumut siulersuisuni annertuumik suliniuteqarsimanerannut tunniusimanerannullu assut qujaniartoqarpoq. Suliniuteqaqataanerat suliffeqarfiup tunngavianut nukittorsaasimaqaat aammalu suliffeqarfiup pingaarutilimmik ineriartorsimanerani aqqutissiuusseqataasimallutik.
Aqutsisut nutaat siunissami alliartortoqarnissaanik qitiutitsisut
Inuussutissarsiornikkut suliat annertusiartornerat, pingaartumik takornariaqarnerup tungaatigut, aaqqissugaasumik piareersarnermik pisariaqartitsiffiuvoq, tamatumani unnuisarfinnik suliassaqarfinnut kiisalu attaveqaasersuutinut pisariaqaqisunut siunissami alliartornermik nammattussanut aningaasaliinerit.
Nalik Ventures A/S 2024-mut ukiumut naatsorsuutit naammassivai 28,7 mio. koruuninik sinneqartooruteqarluni, tamanna siornarniit annertuumik siuariarneruvoq. Siulersuisut massakkutut ingerlaneq attakkusuppaat, tamatumalu saniatigut Kalaallit Nunaanni inuussutissarsiortut tapersersorniarlugit suliffeqarfiup suliniutai annertusarniarlugit.
Suliffeqarfimmi aqutsisut nutaanngorlutik, ulluinnarnilu suliffeqarfiup aqunneqarnera allannguiffigineqareersoq ataatsimeersuarneq pivoq. Aqutsisut nutaat Nalik Venturesip aaqqissugaasumik anguniagai ingerlaavartumik ingerlanneqarnissaat qulakkiissavaat, aammalu Kalaallit Nunaat tamakkerlugu annertunerusumik aallarnisaanissamik anguniakkat kiisalu inuussutissarsiorfinni suliniuteqarnissat tapersernissaat qulakkiissallugit.
