Capacity Facility – Suliniutinut tapiissutit

Tapiissutit sumut atorsinnaappat?

Aallartitsiniarluni ineriartortitsiniarluniluunniit suliaqarnermi, nioqqutissanik imaluunniit kiffartuussinermik pissarsinissamut Suliniutinut tapiissutit atorneqarsinnaapput. Aningaasartuutit uppernarsaasikkat 50 %-ii angullugit tapiiffigineqarsinnaappu,t annerpaamillu suliniummut ataatsimut 370.000 kr. tapiissutigineqarsinnaallutik.

Qinnuteqarnissamut siunertat ukuusinnaapput:

• Isumassarsiap ineriartortinneqarnissaa
• Suliffeqarfimmik aallartitsinissaq
• Nittarsaassineq

Malugiuk: Tapiiffigineqarnissamik akuerisaanermut uppernarsaammik pissarsereeruit aatsaat suliniut aallartissinnaagakku.

Kikkut qinnuteqarsinnaappat?

Suliffeqarfiit mikisut akunnattullu aammalu suliffeqarfiit aallarterlaat tapiissutinik qinnuteqarsinnaapput.
Taamaakkaluartoq nunalerinermik, aalisarnermik, aatsitassarsiornermillu ingerlatsisut kiisalu suliffeqarfiit piorsarsimassutsimik suliaqarnermik siunertalimmik ingerlatsisut, kiisalu ilinniarnerit pisortanit tapiissuteqarfigineqartartut matussuserneqarsinnaanngillat. Inuussutissarsiutilli taakkununnga assingusinnaasut nalilersuiffigineqarsinnaapput.

Qinnuteqarnissamut piumasaqaatit

Immersuiffissaq akuerisaq atorlugu, ”Qinnuteqarfik / Mine ansøgninger” aqqutigalugu qinnuteqarnerit nassiunneqassapput. Qinnuteqarnerit kalaallisut qallunaatulluunniit allallugit nassiunneqassapput.

Arlariinnik nassiussineq: Qinnuteqartoq ataaseq qinnuteqartitsinermi ataatsimi arlariinnik qinnuteqarsinnaanngilaq.

Qinnuteqarnermi uppernarsaatit piumasaqaataasut ataani allattorneqarsimasut qinnuteqaammut ilanngullugit nassiunneqassapput:

• Pilersaarusiaq, suliffeqarfiup isumassarsiarineqarneraninngaanniik inuussutissarsiortutut takorluukkat nassuiarneqarnerat
• Pilersitsinissamut missingersuut
• Ingerlatsinermi missingersuut – isumassarsiavit sinneqartooruteqarfigineqarsinnaaneranik takutitsisoq
• Aningaaserivimmit tapiiffigineqarnissamik aningaasaliisoqarnissaanut imaluunniit nammineerluni aningaasalersuinissamut uppernarsaat
• Tiguinnarissanik aningaasaqarnissamut missingersuutit
• Pisiortorfissanit neqeroorut

Ilaatigut qinnuteqartup suliarinnittullu akunneranni oqaloqatigiinnermi, paasissutissat amerlanerusut piumaneqarsinnaasarput.

Piumasaqaatit allat

• Siunertaq tapiissutinit allanit tapiiffigineqarsimassanngilaq
• Qinnuteqartoq tapiissutisisinnaassaguni CVR-normoqaqqaassaaq
• Inuk suliffeqarfilluunniit Kalaallit Nunaanni najugaqartutut nalunaarsorsimassaaq Kalaallillu Nunaannut tamakkiisumik akileraartussaatitaalluni
• Suliffeqarfik nammineq inuttut pigineqartussaavoq, tassa imaappoq kommuni Namminersorlutilluunniit Oqartussat 49 %-imik anginermik piginneqataassanngillat

Qinnuteqartitsineq – qinnuteqarnissamut killigititat

Sakkussat

Suliffeqarfimmik aallartitsiniarlutit imaluunniit inerisarniarlutit allaffissiat atorsinnaasatit ataaniipput:

• Pilersaarusiaq
• Pilersitsinissamut missingersuut
• Ingerlatsinermut missingersuut
• Aningaaserivimmit tapiiffigineqarnissamik aningaasaliisoqarnissaanut imaluunniit nammineerluni aningaasalersuinissamut uppernarsaat
• Tiguinnarissanik aningaasaqarnissamut missingersuutit

Qinnuteqaatit nassiuguk

Nalik Venturesimi qinnuteqartarfikkut qinnuteqaatit uppernarsaatitai ilanngullugit nassiutikkit. Taanna aamma ilinnut atortussiaavoq, taamaalillutit uppernarsaatit nassiussimasatit tamakkiisumik takusinnaaniassagakkit kiisalu qinnuteqarnerpit ingerlanga malinnaaffigisinnaaniassagakku.

Profiililiorit

”Qinnuteqarfik / Mine ansøgninger” aqqutigalugu qinnuteqaativit nassiutinnginnerani profiililioqqaartussaavutit, taamaalillusi illit sullissisussallu qinnuteqarnissat pillugu oqaloqatigiinnissarsi aallartissinnaaniassagassiuk.

Iserit

Qinnuteqartarfimmi profiililioreersimaguit qinnuteqarfissamik piumasinnaavutit, taamaalillusi oqaloqatigiinneq aallartereersinnaallugu.

”Qinnuteqarit” toorukku, Nalik Venturesimi Suliniutinut tapiissutit-nut qinnuteqarfissamoortoq igalaasaq nutaaq ammassaaq.

Qinnuteqaatit suliarineqartarnerat

Qinnuteqaatit tiguneqarpat, naatsorsuutigissavat suliarineqarnera qaammammik ataatsimik sivisussuseqarsinnaasoq. Nalik Ventures aningaasaliinissamut ataatsimiitsitaliaqarpoq, qinnuteqaatinut nalilersuisussanik. Tapiiffigineqarnissamullu piumasaqaatit naammassisimaneritit apeqqutaatillugu, tapiiffigineqassanersutit aalajangiisoqassaaq.

Tapiissutinik tunniussisoqarnissaanut atatillugu, suliffeqarfiit unammillertiusut eqqarsaatigineqartarput. Suliniutinut unammilleqatigiinnermut equtitsisunut Nalik Ventures tapiissuteqartanngilaq.

Tapiissutit tunniunneqartarnerat

Tapiissutit tunniunneqarnissaannut akiligassiortoqartarpoq nalunaarusiortoqartarlunilu. Tamannalu Nalik Venturesip qinnuteqartarfiani ingerlasarpoq.

Tapiissuteqarnerup nalunaarutiginera

Capacity Facilitymi inuussutissarsiuteqarnikkut tapiissutinit pissarsisimaguit, Nalik Startuppip tapiissutinik pissarsisup suliffeqarfiup aqqa (imaluunniit inuit aqqi), suliniutip aqqa kiisalu tapiissutit annertussusaat avammut saqqummiussinnaavai.

Taamaaliortoqassappat tamanna Nalik Startup peqatigalugu isumaqatigiissutigineqassaaq.

Nalik Ventures-ip qinnuteqartarfiatigut qinnuteqaatit uppernarsaatitassai ilanngullugit nassiutissavat. Immersugassat nassiussatit suliarineqarnerinilu sumut killinnerannik qinnuteqartarfik aqqutigalugu malinnaasinnaavutit.

Qinnuteqarnerit tamaasa sullissisumik oqaloqateqartassaatit, taamaalilluni ilinnut suliffeqarfinnullu naleqquttumik kiffartuunneqartarniassagavit.

Isertaammik sanagit
qinnuteqaat nassiutinnginnerani isertaammik sanassaatit, qinnuteqartarfimmut atortagassat, taamaasillutit isumaginnittussarlu qinnuteqaat pillugu attaveqaqatigiissinnaanngussallusi.

Log ind
Når du allerede har en profil på Ansøgningsportalen, skal du gennem ansøgningsportalen, anmode om en udfyldningsformular til din ansøgning, og dermed starte en dialog.

Qinnuteqaatit tiguneqarpat, naatsorsuutigissavat suliarineqarnera qaammammik ataatsimik sivisussuseqarsinnaasoq.

Nalik Ventures aningaasaliissutit pillugit ataatsimiitsitaliaqarpoq, qinnuteqaatinut nassiunneqartunut aalajangersaasuullunilu nalilersuisartumik. Allaffissuussinikkut ilitsersuut tunuliaqutaralugu piumasaqaatillu tassaniittut malinneqarnersut aallaavigalugit aalajangiisoqartarpoq.

Tapiissutinik tunniussisoqassatillugu suliffeqarfiit unammillertigineqartut eqqarsaatigineqartarput. Suliniutinut unammilleqatigiinnermut equtitsisunut Nalik Ventures tapiissuteqartanngilaq. Tassa imaappoq illoqarfinni annerusuni qinnuteqaatit pitsaassusaasa annertunerunissaat piumasaqaataakujuttarput, suliniummi nutaaliornissamut piumasaqaatit annerullutik, niuerfiullu angissusaanik annertusaanissamut periarfissaqassalluni.

Tapiissutit tunniunneqassappata naatsorsuusiussaatit nalunaarusiorlutillu.

Tamannalu Nioqqutissiornikkut ineriartortitsinissamut tapiissutinik qinnuteqaasiorfigisakkut Nalik Ventures-ip qinnuteqartarfiatigut ingerlanneqassaaq.

Qinnuteqartarfikkut naatsorsuusiorniarlutit akiliinermut uppernarsaatitit soorlu kontup nikerarneranut takussutissaq imaluunniit kortimik akiliinermut uppernarsaatitit uploadissavatit, tassani aamma mobiilinniit assileriarlugit uploadernissai periarfissaavoq.

Taamaalioreeruillu Nalik Ventures-ip aningaasartuutaasimasut 50 %-ii tunniussinnaalissavai.

*Malugiuk, tapiissutigineqartussat tallimanngornerup tulliani tunniunneqakkajuttarmata*