Capacity Facility – Siunnersorneqarnermut tapiissutit

Siunnersorneqarmut tapiissutit sumut atorneqarsinnaappat?

Immikkut ilisimasalinnik siunnersorneqarnermi, soorlu inatsisilerinikkut siunnersorneqarnermi, aningaasanik aqutsissuteqalernissami siunnersuisunilluunniit allanit siunnersorneqarnermi aningaasartuutit matussusernissaannut, Siunnersorneqarmut tapiissutit atorneqarsinnaapput. Ingerlatsinermili aningaasartuuteqarnermut soorlu ukiumut naatsorsuutit inaarnerinut, Siunnersorneqarnermut tapiissutit atugassiaanngillat.

Kikkut qinnuteqarsinnaappat?

Suliffeqarfiit mikisut akunnattullu aammalu suliffeqarfiit aallarterlaat tapiissutinik qinnuteqarsinnaapput.
Taamaakkaluartoq nunalerinermik, aalisarnermik, aatsitassarsiornermillu ingerlatsisut kiisalu suliffeqarfiit piorsarsimassutsimik suliaqarnermik siunertalimmik ingerlatsisut, kiisalu ilinniarnerit pisortanit tapiissuteqarfigineqartartut matussuserneqarsinnaanngillat. Inuussutissarsiutilli taakkununnga assingusinnaasut nalilersuiffigineqarsinnaapput.

Tapiissutip annertussusaa

Siunnersorneqarnermut tapiissut kittaartakkamut ataatsimut 12.000 kr.-nik aningaasartaqarpoq, annerpaamillu kittaartakkat pingasut tunniunneqarsinnaapput. Suliffeqarfiup taamaallaat avataaneersunit siunnersorneqarnissaanut, tapiissutit atorneqarsinnaapput. Aningaasanik utertitsinissamik periuseq atorlugu tapiisoqartarpoq, suliffeqarfik akiliuteqaqqaariarluni qinnuteqartarfikkut pisiat uppernarsaataata nassiunneratigut Nalik utertitsisussanngortinneqartarmat.

Qinnuteqarnissamut piumasaqaatit

Immikkut ilisimasalimmit siunnersortimit atorniakkamit neqeroorummik, qinnuteqaat ilanngullugu nassiussisoqassaaq. Siunnersorneqarnermut tapiissutit siunnersuinermi ingerlassat naammassineqarsimasut naapertorlugit akilerneqassapput, aningaasartuutinullu uppernarsaatit ilanngussassat pisariaqartut allat ilanngullugit qinnuteqartarfikkut akilerneqassapput.

Ilaatigut qinnuteqartup suliarinnittullu akunneranni oqaloqatigiinnermi, paasissutissat amerlanerusut piumaneqarsinnaasarput.

Arlariinnik nassiussineq: Qinnuteqartoq ataaseq qinnuteqartitsinermi ataatsimi arlariinnik qinnuteqarsinnaanngilaq.

Qinnuteqarnermi uppernarsaatit piumasaqaataasut ataani allattorneqarsimasut qinnuteqaammut ilanngullugit nassiunneqassapput:

• Pilersaarusiaq, suliffeqarfiup isumassarsiarineqarneraninngaanniik inuussutissarsiortutut takorluukkat nassuiarneqarnerat
• Pilersitsinissamut missingersuut
• Ingerlatsinermi missingersuut – isumassarsiavit sinneqartooruteqarfigineqarsinnaaneranik takutitsisoq
• Tiguinnarissanik aningaasaqarnissamut missingersuutit
• Siunnersortimit neqeroorut – ajornanngippat Kalaallit Nunaanneersuneersumik neqeroorusiortitsisoqassaaq

Piumasaqaatit allat

• Qinnuteqartoq tapiissutisisinnaassaguni CVR-normoqaqqaassaaq
• Inuk suliffeqarfilluunniit Kalaallit Nunaanni najugaqartutut nalunaarsorsimassaaq Kalaallillu Nunaannut tamakkiisumik akileraartussaatitaalluni
• Suliffeqarfik nammineq inuttut pigineqartussaavoq, tassa imaappoq kommuni Namminersorlutilluunniit Oqartussat 49 %-imik anginermik piginneqataassanngillat

Qinnuteqarnissamut killigititaq

Qinnuteqaatit ataavartumik nalilersorneqartarput.

Sakkussat

• Pilersaarusiaq
• Pilersitsinissamut missingersuut
• Ingerlatsinermut missingersuut
• Tiguinnarissanik aningaasaqarnissamut missingersuutit

Qinnuteqaatit suliarineqartarnerat

Nalik Venturesimi qinnuteqartarfikkut qinnuteqaatit uppernarsaatitai ilanngullugit nassiutikkit. Taanna aamma ilinnut atortussiaavoq, taamaalillutit uppernarsaatit nassiussimasatit tamakkiisumik takusinnaaniassagakkit kiisalu qinnuteqarnerpit ingerlanga malinnaaffigisinnaaniassagakku.

Profiililiorit

”Qinnuteqarfik / Mine ansøgninger” aqqutigalugu qinnuteqaativit nassiutinnginnerani profiililioqqaartussaavutit, taamaalillusi illit sullissisussallu qinnuteqarnissat pillugu oqaloqatigiinnissarsi aallartissinnaaniassagassiuk.

Iserit

Qinnuteqartarfimmi profiililioreersimaguit qinnuteqarfissamik piumasinnaavutit, taamaalillusi oqaloqatigiinneq aallartereersinnaallugu.

”Qinnuteqarit” toorukku, Nalik Venturesimi Siunnersorneqarnermut tapiissutit-nut qinnuteqarfissamoortoq igalaasaq nutaaq ammassaaq.

Tapiissuteqarnerup nalunaarutiginera

Capacity Facilitymi inuussutissarsiuteqarnikkut tapiissutinit pissarsisimaguit, Nalik Startuppip tapiissutinik pissarsisup suliffeqarfiup aqqa (imaluunniit inuit aqqi), suliniutip aqqa kiisalu tapiissutit annertussusaat avammut saqqummiussinnaavai.

Taamaaliortoqassappat tamanna Nalik Startup peqatigalugu isumaqatigiissutigineqassaaq.

Nalik Ventures-ip qinnuteqartarfiatigut qinnuteqaatit uppernarsaatitassai ilanngullugit nassiutissavat. Immersugassat nassiussatit suliarineqarnerinilu sumut killinnerannik qinnuteqartarfik aqqutigalugu malinnaasinnaavutit.

Qinnuteqarnerit tamaasa sullissisumik oqaloqateqartassaatit, taamaalilluni ilinnut suliffeqarfinnullu naleqquttumik kiffartuunneqartarniassagavit.

Isertaammik sanagit
qinnuteqaat nassiutinnginnerani isertaammik sanassaatit, qinnuteqartarfimmut atortagassat, taamaasillutit isumaginnittussarlu qinnuteqaat pillugu attaveqaqatigiissinnaanngussallusi.

Log ind
Når du allerede har en profil på Ansøgningsportalen, skal du gennem ansøgningsportalen, anmode om en udfyldningsformular til din ansøgning, og dermed starte en dialog.

Qinnuteqaatit tiguneqarpat, naatsorsuutigissavat suliarineqarnera qaammammik ataatsimik sivisussuseqarsinnaasoq.

Nalik Ventures aningaasaliissutit pillugit ataatsimiitsitaliaqarpoq, qinnuteqaatinut nassiunneqartunut aalajangersaasuullunilu nalilersuisartumik. Allaffissuussinikkut ilitsersuut tunuliaqutaralugu piumasaqaatillu tassaniittut malinneqarnersut aallaavigalugit aalajangiisoqartarpoq.

Tapiissutinik tunniussisoqassatillugu suliffeqarfiit unammillertigineqartut eqqarsaatigineqartarput. Suliniutinut unammilleqatigiinnermut equtitsisunut Nalik Ventures tapiissuteqartanngilaq. Tassa imaappoq illoqarfinni annerusuni qinnuteqaatit pitsaassusaasa annertunerunissaat piumasaqaataakujuttarput, suliniummi nutaaliornissamut piumasaqaatit annerullutik, niuerfiullu angissusaanik annertusaanissamut periarfissaqassalluni.

Tapiissutit tunniunneqassappata naatsorsuusiussaatit nalunaarusiorlutillu.

Kittaartartut qinnuteqarfiginissaannut Nalik Ventures qinnuteqartarfia aqqutigalugu ingerlanneqassaaq.

Qinnuteqartarfikkut naatsorsuusiorniarlutit akiliinermut uppernarsaatitit soorlu kontup nikerarneranut takussutissaq imaluunniit kortimik akiliinermut uppernarsaatitit uploadissavatit, tassani aamma mobiilinniit assileriarlugit uploadernissai periarfissaavoq.

Taamaalioreeruillu Nalik Ventures-ip aningaasartuutaasimasut 50 %-ii tunniussinnaalissavai.

*Malugiuk, tapiissutigineqartussat tallimanngornerup tulliani tunniunneqakkajuttarmata*