{"id":1555,"date":"2023-09-04T13:45:31","date_gmt":"2023-09-04T15:45:31","guid":{"rendered":"https:\/\/nalik.gl\/?p=1555"},"modified":"2023-09-04T14:49:37","modified_gmt":"2023-09-04T16:49:37","slug":"nalik-ventures-a-s-pisortamik-nutaamik-atorfinitsivoq","status":"publish","type":"post","link":"https:\/\/nalik.gl\/kl\/nalik-ventures-a-s-pisortamik-nutaamik-atorfinitsivoq\/","title":{"rendered":"Nalik Ventures A\/S pisortamik nutaamik atorfinitsitsivoq"},"content":{"rendered":"

\"\"<\/p>\n

Nalik Ventures A\/S aaqqissuusseqqinnermiileruttorpoq. Sinerissami takornariaqarnerup nutaaliorlutillu suliniuteqarusuttunut samminerulluni suliniuteqarnialerpoq. Siunertaq allanngorneqanngilaq tassalu peqqissunik, nukittuunik imminullu akilersinnaasunik suliffeqarfinnik aallarniisarnissaq, aningaasarsiorluartunik inuiaqatigiinnullu ineriartortitseqataasussanik.<\/p>\n

Nalik Ventures A\/S siulersuisui allannguinissaq eqqarsaatiminniitillugu pisortanngortussamik nassaarniarsimapput siunertamut naleqquttumik tunuliaqutalimmik. Marts naasoq pisortaanerusimasoq suliunnaarmalli atorfik Inuttassarsiuullugu aallartinneqarpoq, pingaartinneqarsimavorlu nunatsinnut pissutsinik ilisimasalimmik inuttalerneqarnissaa Isumaqatigiissutigiissuteqarfigineqartorlu Thomas \u201dTyt\u201d Mogensen, piumasaqaataasunut tulluummat 1. oktober 2023 aallarnerfigalugu Nalik Ventures A\/S-mi pisortaanertut aallartissaaq.<\/p>\n

\u201dAssorsuaq iluarisimaarparput Tyt suleqatiginissallugu isumaqatigiissuteqarfigisimagatsigu. Ujartorsimasarput tassaasimammat inuk Kalaallit Nunaannut inuussutissarsiornikkut ineriartortitsinermik taamatuttaarlu inuiaqatigiinni pissutsinut annertuumik ilisimasaqartoq. Piginnaasat taakku Tyt-mi takusimavagut, qilanaaraaralu inuiaqatigiinnut nuannaarutaasumik iluaqutaasussamillu ineriartortitseqatigilernissaanut,\u201d taama oqaaseqarpoq Miki Lynge, Nalik Ventures A\/S siulersuisuini siulittaasoq.<\/p>\n

Thomas \u201dTyt\u201d Mogensen suliffinni assigiinngitsuni aningaasaqarnermik inuussutissarsiuteqarnikkullu inerisaanermi suliaqartarsimavoq. Ilaatigut Sulisitsisuni siunnersortaasimavoq BankNordikimilu erhvervsdirekt\u00f8ritut atorfeqarsimalluni. Maj 2021-miilli namminersorluni suliffeqarfiuteqalersimavoq, Tyt Consultingimik ateqartumik, tassani suliffeqarfiit ikinngeqisut namminersortut siunnersortaaffigisimavai, inuussutissarsiornermi aningaasaqarnerup, aqutsinerup aningaasaqarnerullu tungaatigut saniatigooralugulu Foreningen Gr\u00f8nlandske B\u00f8rn siulersuisuini siulittaasutut inissisimalluni. Tyt-ip Nalik Ventures A\/S-mi pisortatut unammilligassat nutaat qilanaarutigai.<\/p>\n

\u201dNamminersortutut sulisimanera nuannarisimaqaara, timikkut misigalugu, qanoq namminersuuteqarluni pissanganartigisoq, ineriartornera aqullugu. Taakkorpiaat misilittagarilikkakka massakkut atorfigiligassanni nalilittut iluaqutigilluarumaarpakka, nuna tamakkerlugu aallarnisaarusuttut suliffeqarfinnillu nutaanik pilersitsiortorusuttut sullitilerukkit ineriartortitseqatigilerlugillu,\u201d taama Tyt oqarpoq itisilerlugulu ilassuteqarluni;<\/p>\n

\u201dNalik Ventures A\/S ukiorpanngortuni malinaaffigisimavara, takunikuullugulu qanoq kalaallit Nunaanni inuiaqatigiinnut inuussutissarsiornikkut ineriartuutaatigisimanersoq. Taannalu ineriartorsimaneq ataqqivara, tulluusimaarutigalugulu siunissami peqataaffigisinnaanngorakku, immikkullu upperaara, takornariaqarnerup tungaatigut suliffeqarfinnik puttussuuttoqalissasoq. Tassani aallaavigaakka mittarfissuit piulertussat, takornarissanik amerlanerusunik tikittoqartalernissaanut aqqutaasussat,\u201d taama Thomas \u201dTyt\u201d Mogensen oqaaseqarpoq naggasiillunilu:<\/p>\n

\u201dAallarniutigaluguli qilanaaraara Nalik Ventures A\/S-mi suleqatigiligassama naapinnissaat. Maniguullunga suliassaq aallartissavara qilanaarpungalu nunatsinni inuussutissarsiornikkut ineriartortitsineq pitsaanerusunik sinaakkusersulernissaanut.\u201d<\/p>\n

Nalik Ventures A\/S siulersuisui sinnerlugit,<\/p>\n

Inussiarnersumik
\nMiki Lynge
\nSiulersuisuni siulittaasoq<\/p>\n","protected":false},"excerpt":{"rendered":"

Nalik Ventures A\/S aaqqissuusseqqinnermiileruttorpoq. Sinerissami takornariaqarnerup nutaaliorlutillu suliniuteqarusuttunut samminerulluni suliniuteqarnialerpoq. Siunertaq allanngorneqanngilaq tassalu peqqissunik, nukittuunik imminullu akilersinnaasunik suliffeqarfinnik aallarniisarnissaq, aningaasarsiorluartunik inuiaqatigiinnullu ineriartortitseqataasussanik. Nalik Ventures A\/S siulersuisui allannguinissaq eqqarsaatiminniitillugu pisortanngortussamik nassaarniarsimapput…<\/p>\n","protected":false},"author":5,"featured_media":2314,"comment_status":"open","ping_status":"open","sticky":false,"template":"","format":"standard","meta":{"om_disable_all_campaigns":false,"inline_featured_image":false,"_uag_custom_page_level_css":"","_monsterinsights_skip_tracking":false,"iawp_total_views":1,"footnotes":""},"categories":[13],"tags":[],"class_list":{"0":"post-1555","1":"post","2":"type-post","3":"status-publish","4":"format-standard","5":"has-post-thumbnail","7":"category-nutaarsiassat"},"aioseo_notices":[],"aioseo_head":"\n\t\t\n\t\n\t\n\t\n\t\n\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t\n\t\t